Vaşûrê Kurdistanî de nêrazîbîyişê verva êrîşanê dewleta îşgalkere êy verva Heremanê Pawiteyan êy Medya û bêvengîya Hewlêre û Bexda zêdîyenê.
Şarê Şengale bi verkêşîya Meclîsa Xosere ya Demokratîke meşêke ro dar vist.
Şarê Şengale reyde serokeşîr û kesayetê civatê Êzîdîyan tewrê meşî bîy.
Hemserokê Meclîsa Şarî ya Komelgeha Duhla Salih Êzdînî qisey kerd.
Di eşkerayîye de êrîşê îşgalkerîye êy dewleta tirke û bêvengîa hikumatanê Hewlêre û Bexda amey şermezarkerdene.
Partîyê Sîyasî yê Vaşûrî zî nêrazîbîyişanê xo êy verva îşgalkerî û bêvengîya PDK û Bexda anê ziwan.
Verpersîyarê Komîteya Hîzba Şîû yê Slêmanîye Osman Zîndanî Rojnewse rê qisey kerd û nêy vatîy.
Êrîşê verva Vaşûrê Kurdistanî êy dewleta tirke, bi mexsedê verhîrakerdişê faşîzmî yê.
Dewleta tirke tenê êrîşê Vaşûrî nê, êrîşê Rojavayî û Şengale zî kena.
No zî zûranê “êrîş verva PKK yî yo”, bi awayêko zela vecena orte.
Gere di serre de hikumatê Hewlêre û Bexda heme hêzê mîyanetewî verva nêy êrîşan helwestêka cîddî nîşan bidê.
Welatîyê Kelare zî vanê hikumatê Hewlêre bi bêvengîya xo xizmetê îşgalkeran de yo û bi eşkerayîyanê xo zî îşgalkerîye rewa nîşan danê.
Welatijan ra Serbest Celalî vat;
Mexsedê dewleta tirke îşgal û çinêkerdişê destkewteyanê şarê Kurdî yo.
Bêvengîya hikumatê hereme xizmetê îşgalkeran kena,
Gere şarê Vaşûrî ro hikumatî zextan bikero ke verva îşgalkerîye helweste nîşan bido.
Welatijan ra Mela Nûrîyî zî vat;
Doza kurde tu wextêke ende hêzdar nêbîbî.
Coka êrîşê verva şarê Kurdî zî zêdîyayê. La hikumatê hereme bi eşkerayîyan û bêvengîya xo xizmetê dişmenanê şarê Kurdî de yo.
Gere heme kurdîy verva îşgalkerîye helweste nîşan bidê û tewrê tekoşîna verva îşgalkerîye bibê.
Mihemet Salihî zî êrîşê dewleta tirke zê êrîşê îşgalkerdişê Vaşûrê Kurdistanî bi name kerdîy û vat;
Hikumatê hereme û Bexda bi bêvengîya xo hemkar û hetkarê dewleta tirke ya îşgalkere yê.
Gere şar bi awyêko girseyî û yewvengî helwesta xo ya verva hikumatê hereme nîşan bido.
