Endama Koordînasîyona PAJK’e Raperîn Mûnzûre, derhewê êrîşanê îşgalkerî û xoverdêrîya gêrîllayî de ANF rê qisey kerd.
Raperîn Mûnzûre di serre de şehîdê xoverdêrîya pîle bi rêzdarî û hurmet bi vîr ardîy û vat.
Şehîdan bi qehremanî, cesaret û fedekarîya xo ray û raybazêy binkeyînî êy xoverdêrîya verva îşgalkerîye nîşanê ma day.
Çime û binkeya na xoverdêrîye û ney serkewtinî zî, hêze, heşmendî û îradeyo ke ma Rayver Apoyî ra genê yê.
Dewleta tirke wazena atmosferê şerrê 3’ine yê Cîhanî ra feyde bigero û bi îşgalkerdişê perçeyanê bînan êy Kurdistanî, sînoranê xo verhîra bikero.
Êrîşê verva Vaşûr, Rojava û Şengale bi nêy mexsedî yê.
Reyna wazena na helwesta xo ya îşgalkerîye zî, bi nameyê tekoşîna verva PKK yî, bilûmno.
ENDAMA KOORDÎNASYONA PAJK’E RAPERÎN MÛNZÛRE:
“PKK VERNÎYA PLANA ÎŞGALKERÎYE YA DEWLETA TIRKE DE ASTENG A”
Raperîn Mûnzûre wina dewam kerd.
Dewleta tirke di vernîya plana xo ya îşgalkerîye de, kelemo tewri pîl PKK’yî vînena.
Bi no sebeb bi heme hêrs û hêza xo êrîş kena.
Hemkarîya dewleta tirke ya bi DAÎŞ’î reyde zî bi sebebê ney mexsedî ya.
ENDAMA KOORDÎNASYONA PAJK’E RAPERÎN MÛNZÛRE:
“ERDOGAN HEMA ZÎ ÇETEYANÊ DAÎŞ’Î WEY KENO Û BI KARA ANO”
Rejîmê Erodanî yo faşîst, Vaşûr û Rojavayê Kurdistanî de hema zî çeteyanê DAÎŞ’î wey keno.
Xeylê çeteyê DAÎŞ’î, nika bajaranê zê Riha, Entap û Meletî de ameyê bicakerdiş.
Heme hêzêy ke verva DAÎŞ’î yê, gere naye qebûl nêkerê.
La ke mesela bena Kurdî, her kes çimanê xo padano.
ENDAMA KOORDÎNASYONA PAJK’E RAPERÎN MÛNZÛRE:
“GÊRÎLLA AZADÎYE SEWEKNENO Û VERVA FAŞÎZMÎ DI MÎYANÊ ŞERRÎ DE YO”
Endama Koordînasîyona PAJK’e Raperîn Mûnzûre vatiş ard xoverdêrîya gêrîllayî ser û nêy vatîy,
Gêrîlla Kurdistanî û azadîye sewekneno û verva îşgalkerî û faşîzmî, şerr keno.
Gere her kes ro na xoverdêrîya seba azadîye, wayir bivecîyo.
Heke azadîye çîna bo, cuwîye zî çîn yo.
Xoverdêrî û tekoşîna gêrîllayî, no rejîmo faşîst ardo ricîyayişî ver.
Înan êy ke ma rê emir kifş kerdê û vatê do biqedêyê, bixo qedîyenê.
Gere her kes bizano ke, do gêrîlla rayire nêdo îşgalkeran û faşîzmê AKP-MHP bi peynî bikero.
