Şarê Vakûr Rojhilatê Surîya bi meş û şahîyan rocbîyîşê Rayver Apoyî firaz kerdê.
4’Ê NÎSANE ROCBÎYÎŞÊ RAYVER APOYÎ
ŞARÊ BAJARÊ XOVERDÊRÎYE KOBANÊ 4’Ê NÎSANE FIRAZ KERD
Rocbîyîşê Rayver Apoyî kantona Kobanê de bi şîara “Wext wextê azadîya Rayver Apoyî yo” ame firazkerdene.
Firazkerdiş “Keyê Rayvertîye” ya dewa Elpelûre ya ke Rayver Apoyî dora yewin şibi wêra de pêk ame.
Meclîs, sazî û dezgeyê Rayverîya Xoser û Kongreya Star, TEV-DEM, Hêzê Asayîşê û bi hezaran welatijîy tewir firazkerdişî bi.
Di vernî de, qeyde vengê Rayver Apoyî ame goştarîkerdiş.
Dimera Rayirbera Kongra Stra Raperîn Dêrîk qiseykerdişê destpêke kerd û vat;
“Şaro Kurd heme azadîya Rayver Apoyî wazeno. Gere berê Îmralîye abibê. Bê serok cuwîye nêbeno.”
Endamê Meclîsa PYD Bekîr Hecî Îsa zî qisey kerd û bale ante muhîmîya fikir û rama Rayver Apoyî ya seba şaranê Rojhilata Mîyanênî ser.
Qiseykerdişan ra dima peyama Fermandarîya YPJ amî wendene.
Di peyame de 72’ine rocbîyîşê Rayver Apo ame firazkerdene û bale ame antene vîr û bawerîya Rayver Apoyî ser.
Firazkerdiş bi girewtişê govende û sloganan bi peynî bî.
Îtîya zî Qamişlo yo.
Meclîsa Keyey Şehîdan ya Kantona Qamişlo di çarçoveye 4’ê Nîsane de, Goristana Şehîd Delîl Sorxanî de 40 şitlêy daran ronay.
Dimera zî şar verê xo daye Yarîgeha Hesyem Koço û 4’ê Nîsane firaz kerdî.
DÊRIK
Welatijanê bajarê Dêrike zî bi meşeke verê xo daye bajaroka Xanesêre.
Naca de 72 şitley darî ameye ronayene.
Reyna 72 rocbîyîşê Rayver Apoyî bi şahîyeke zî ame firazkerdene.
HELEB
Bi verkêşîya Şaredarîya Şarî ya taxa Şexmeqsûd ya bajarê Heleb zî şar di firazkerdişeke amey têhet.
Hemseroka şaredarîya şarî Fatma Heyder qisey kerd û rocbîyîşê Rayver Apoyî zey rocbîyîşê şaran biname kerd.
Şar dime ra zî govende girewte û rocbîyîşê Rayver Apoyî firaz kerd.
