Bi wesîleya 4’ê Nîsane roca Rocbîyişê Rayver Apoyî Vakûrê Kurdistanî de zî firazkerdişîy est bîy.
Heyeta KCD,TJA, DBP û HDP ke waşt Şêro Dewa Amara, amî astengkerdene.
ROCBÎYIŞÊ 72’INE YÊ RAYVER APOYÎ
ŞÎYIŞÊ HEYETA KCD,TJA, DBP Û HDP YÊ AMARA AME ASTENGKERDENE
Bi wesîleya rocbîyişê 72’ine yê Rayverê Şarê Kurdî Abdullah Ocalanî, Vakûrê Kurdistanî de çalakîyê firazkerdişî amey rodarvistene.
Verîya firazkerdişan Dewa Amara, hetê esker û polîsan ra ameya dormkerdene û dekwetişê dewe ameyo qedexekerdene.
Heyetêka ke Hemserokê KCD Berdan Ozturk, Hemserokêy DBP Salîha Aydenîze û Keskîn Bayindi,Parlamentera HDP Ayşe Surucu û aktîvîstanê TJA ra pêk ameyê, seba şîyişê Amara, na siba resay Xelfetîya Riha.
Heyeye bi konvoyêka ke 15 wesayîtan ra pêk ameyê ver bi Amara kewte rayire,
La hetê esker û polîsan ra bi hincetê “qedexeyê Walîtîye”,amî vindarnayene.
Badê nîqaşan, tenê Parlamenterîy Berdan Ozturk, Salîha Aydenîze û Ayşe Surucuye şikay derbas bibê.
Heyete dekewtişê dewe de dorêka bîne amî vindarnayene,
Parlamentera HDP Ayşe Surucuye nêrazîbîyiş nîşanê heqê gêrayişî da.
Hemserokê rayvistina Halîlîya ya HDP Muslum Arslan, ke mîyanê heyeta Bîrecîkî de bi, ame binçimkerdene.
Ablûkayê verva Amara dewam keno,
Ravistina HDP ya Şirnexe Rocbîyişê Rayver Apoyî bi ronayişê şaxanê daran firaz kerd.
Parlamenterêy HDP êy Şirnexe Nûran Îmîr, Hasan Ozguneş û rayirberê HDP êy navende û şarçeyan û dadîyê aştîye tewrê bernameyê firazkerdişî bîy.
Parlamenter Hasan Ozguneşî bale ante muhîmîya 4’ê Nîsane ser û vat.
Ewro roca newerabîyişî ya û bi mîlyona Şaro Kurd Birêz Ocalanî zê Rayverê xo qebûl keno.
Ma hîvî kenê ke na roce bibo wesîleya aştî, azadî û binkeya demokrasî yî.
Dime ra zî seba firazkerdişê rocbîyişê Rayver Apoyî 72 şaxîy amey ronayiş
