Fermandarîya Qerargeha Navenda Pawitişê Şarî NPG, bi eşkerayîyêke, 4’ê Nîsane roca rocbîyişê Rayver Apoyî firaz kerde.
NPG di eşkerayîya xo de vat;
Ya ke hewce kena şikitişê tecrîdî nê bi temamê azadîya fîzîkî ya Rayver Apoyî ya.
FERMANDARÎYA QERARGEHA NAVENDA PAWITIŞÊ ŞARÎ:
“YA KE HEWCEYA ŞIKITIŞÊ TECRÎDÎ NÊ, BI TEMAMÎ AZADÎYA FÎZÎKÎ YA RAYVER APOYÎ YA”
Fermandarîya Qerargeha Navenda Pawitişê Şarî NPG, bi wesîleya 4’ê Nîsane eşkerayîyêke nûştekîye da.
NPG, di eşkerayîya xo de rocbîyişê Rayver Apoyî ro heme lejwananê azadîye firaz kerde û vat;
NPG pêdîyişo peyên yo bi telefonî, zê “kayêka şerrê taybetî” bi name kerde û vat;
Ya ke hewceya şikitişê tecrîdî nê, bi temamî azadîya fîzîkî ya Rayver Apoyî ya.
FERMANDARÎYA QERARGEHA NAVENDA PAWITIŞÊ ŞARÎ:
“ŞERRO ESASÎ ÎMRALÎ DE YENO RAYIRBERDENE”
NPG vat;
Şerrê maberê ma û sîyasetê qirkerî, heme qadan de bi awayêko topyekûn dewam keno.
La şerro esasî Îmralî de verva Rayvertîya ma, yeno rayirberdene.
Rayver Apo di bin talûkeyêkê pîlî de yo û no talûke seba şarê ma zî derbasdar o.
Heke serkewtinê Garê û nêrazîbîyişê şarê Kurdî yê Newroze nêbayêne se,dewleta faşîste destûr nêdayêne ney telefonî zî.
Rayvertîye, di nêy şertan de helwesta xo ya xoverdêre, bi awayêko cîddî nîşan da û na zî seba ma peyama berzkerdişê tekoşîne ya.
Heke ma na peyame baş biwanê û bi rihê Apoyî têbigeyrê, ma do na pêvajoye bikerê pêvajoya serkewtinî û azadîya fîzîkî ya Rayver Apoyî.
FERMANDARÎYA QERARGEHA NAVENDA PAWITIŞÊ ŞARÎ:
“ÊDÎ WEXTÊ AZADÎYA FÎZÎKÎ YA RAYVER APOYÎ AMEYO”
Eşkerayî wina bi peynî bena.
Di dinya de xeylê dormey bi şîarê “Êdî wextê azadîya fîzîkî ya Rayver Apoyî ameyo”, di mîyanê çalakîyan de yê.
Heke ma zî di na pêvajoye de bi awayêko ke hewce keno,erk û gureyê xo bi ca bîyarê û tekoşîna şoreşe berz bikerê do rayira azadîya Rayver Apoyî abibo.
Şert û mercîy êdî destûr danê naye û êdî wext zî ameyo.
Gere ma bi awayêko cîddî, ro rol û gureyê xo wayir bivecîyê û pêvajoye rê bibê cewab.
