ENDAMÊ KONSEYA RAYIRBERE YA KCK’YÎ SABRÎ OK:
“TEKOŞÎNA MA BI SAYA ŞEHÎDAN RESAYA QONAXA EWROYINE”
Endamê Konseya Rayirbere ya KCK’yî Sabrî Ok, tewrê “Bernameyê Taybetî” yê Stêrk tv bi û mijaranê rojdeme sero qisey kerd.
Sabrî Okî di serre de, bi wesîleya Aşma Şehîdan, Di şexsê Hakî Karer û Sînan Dersimî de heme şehîdê azadî û Şoreşe bivîr ardîy û vat.
Aşma Gulane, hem seba partî û hereketê ma û hem zî seba têgêrayişê şoregerî yê tirkîya, aşmêka muhîm a.
Bi saye nêy şehîdan, tekoşîna şarê ma resaya asta ewroyin e.
Şehdîy bîy xercê na şoreşe û ma do di rêça nêy şehdan de, teqez bi ser bikewê.
ENDAMÊ KONSEYA RAYIRBERE YA KCK’YÎ SABRÎ OK:
“NÊY ÊRÎŞÎ PERÇEYÊKÊ MODELÊ SRÎLANKA YÊ”
Sabrî Okî, vatiş ard êrîşê verva Heremanê Pawiteyan êy Medya ser û nêy vatîy.
Êrîşê dewleta tirke newe nîyê û serra 1983’ine ra na heta, dewam kenê.
Nêy êrîşîy, perçeyêkê plana çokdayişî yê serra 2014’ine yê.
Na plane, bi modelê Srîlanka ya verva Tamîlan, amî hedrekerdene.
ENDAMÊ KONSEYA RAYIRBERE YA KCK’YÎ SABRÎ OK:
“MEXSED CÊRA-AQETERNAYIŞÊ VAKÛR Û VAŞÛRÎ YO”
Mexsed, bi bombevaranêkê giranî, hereme însanan ra vengkerdiş û bikarardişê çekê kîmyewîyan o.
Reyna. cêraaqeternayişê perçeyanê Vakûr û Vaşûrî û perçekerdişê Heremanê Pawiteyan êy Medya yo.
ENDAMÊ KONSEYA RAYIRBERE YA KCK’YÎ SABRÎ OK:
“NÊY ÊRÎŞÎY BI DESTÛRÊ HÊZANÊ ROCAWANÎ, BI TAYBETÎ BI DESTÛRÊ ÎNGILÎSTANÎ YÊ”
Sabrî Okî vat;
Dewleta tirke bi destûrê hêzanê mîyanetewîyan, no êrîş da destpêkerdene û bale ante rolê Îngilîstanî ser.
Di êrîşanê serranê 90’î de zî verîya konseptê şerrî, serfermandarê artêş tirke Dogan Gureş şibi Îngilîstan û badê naye zî, mîyan de rocnamewan, karsaz û welatpawêrîy zî, bi hezaran însanîy amey qetilkerdene.
Nika zî badê destûrêkê winayinî, dest bi êrîşan kerd.
Zerre de zî Îraqî, bi bêvengîya xo êrîş erê kerd û PDK zî bi awayêko eşkera, di mîyanê plane de ya.
Sabrî Okî vat;
Dewleta tirke di êrîşê peyênan de çeteyanê DAÎŞ û El Nûsra bi kar ana û vatişê Suleyman Soylûyî êy ” mexsedê ma axa Îraqî de bicabîyiş o” vistîy vîrî.
ENDAMÊ KONSEYA RAYIRBERE YA KCK’YÎ SABRÎ OK:
“YEWÎN HÊZA KE BIŞIKO VERVA ÎŞGALKERÎYE BIVINDERO PKK YA”
Sabrî Okî veng ro Hikumatê Vaşûrî kerd û vat;
Di Rochelato Mîyanên de, yewîn hêza ke bişiko verva îşgalkerîya dewleta tirke bivindero, PKK ya.
Ma heta cayêke bêvengîya şima ya verva dewleta tirke fehm kenê, la qet nêbo nêrazîbîyişê şarê vaşûrî yê verva îşgalkerîye rê mebê asteng.
Şarê Vaşûrî baş zaneno ke, PKK hêza ewleyîya şarî, bixo yo.
