ÇALAKIYA 1’Ê GULANÊ LI GIRÊ ŞEHÎD MUNZÛR
GERÎLA TV DÎMENÊ RÛXANDINA ÇEPERÊ DAGIRKERIYÊ WEŞAND
Ji 23’yê Nîsanê ve gerîlayên HPG û YJA-Starê li Zap, Metîna, Avaşîn û Heftanînê derbên giran li artêşa dewleta Tirk a dagirker dixin.
Heta niha zêdetirî 120 çalakî hatine lidarxistin.
Di van çalakiyan de zêdetirî 153 dagirker hatine kuştin.
Gerîla li aliyekî bi van çalakiyên bi bandor li dagirkeran dixe, li aliyekî jî vê berxwedana dîrokî bi kamerayan qeyd dike.
Gerîla Tv heta niha 7 dîmenên çalakiyên gerîlayan weşandine.
Dîmenê herî dawî ji herêma Zapê ye.
Gerîlayan 1’ê Gulanê artêşa Tirk a li ser Girê Şehîd Munzûr kiribûn hedef.
HPG’ê ragihandibû, ku di çalakiyê de 4 dagirker hatine kuştin.
Gerîla Tv bi du kamerayên cûda dîmenê vê çalakiyê weşand.
Gerîla pêşî çeperê dagirkeriyê hildiweşîne.
Ji kameraya duyemîn jî lidarxistina çalakiyê xuya dike.
Piştî çalakiyê eskerên artêşa dagirker bêserûber derûdorê gullebaran dikin.
Û kuştiyên xwe bi vî awayî radikin.