KONSEYA RAYIRBERE YA KCK’YE
“ÊRÎŞÊ ÎŞGALKERÎYE DO BI XOVERDÊRÎYA GÊRÎLLAYÎ Û SERREWEDARTIŞÊ ŞARÎ BÊRÊ TÊKBERDENE”
Îqtîdarê faşîst û qirkerî yê AKP-MHP 23’ê Nîsane verva Heremanê Pawiteyan êy Medya êrîşê îşgalî da destpêkerdene û êrîş dewam keno.
Mexsedê ney êrîşî, bi tasfîyekerdişê Têgêrayişê Azadîye, temamkerdişê qirkerdişê şarê Kurdî yo.
Gêrîllayê HPG û YJA Stare, bi xoverdêrîyêka tarîxî her roce derrbêy giranan, ro artêşa îşgalkere danê.
Ma rayhevalanê xo êy ke di na xoverdêrîya destanî de şehîd kewtê, bi rêzdarî bi vîr anê, gêrîlla û fermandaranê xoverdêrîye silam kenê.
Eşkerayî wina dewam kena.
Di çarçoveya şerrê 3’ine yê cîhanî de, di serre de dewleta tirke ya faşîste heme dişmenê kurdan, êrîşê destkewteyanê şarê kurdî kenê û wazenê plana qirkerdişî berê serre.
Gêrîlla verva nêy êrîşanê qirkerdişî, şerrê estbîyiş û çinêbîyişî dano.
Êrîş tenê verva Heremanê Pawiteyan êy Medya nê, verva heme şarê Kurdî û Kurdistanî yo.
Gêrîlla bi xoverdêrîya xo, heme şarê Kurdî û Kurdistanî sewekneno.
Na xoverdêrîye, di heman wextî de vengdanê “ma têreyde Kurdistanî bipawê”, ro heme hêzanê kurdan a.
Reyna na xoverdêrî, xoverdêrîya azadî û demokrasî ya heme şaranê Rochelatê Mîyanênî ya.
Bi no sebeb vengdanê Rayhevalê ma Fermandarê Artêşa Gêrîllayî Murat Karayilanî yo ” Gere heme hêzêy welatpawêrî verpersîyarîya xo ya tarîxî bi ca bîyarê û di mîyanê na xoverdêrîye de cayê xo bigerê”, vengdanêko di cayî de yo.
Eşkerayîya Konseya Rayirbere ya KCK ye,wina bi peynî bena.
Xoverdêrîya ke hetê Gêrîllayan ra yena nîşandayişî, tenê hetê şarê Kurdî ra nê, hetê heme şaranê dinya û hêzanê Demokrasî ra, bi coş û sempatîyêko pîl, yena verwazîkerdene.
Na xoverdêrîye, rûmetêko pîl bi Hereketê Azadîye û Şarê Kurdî, dayo qezenckerdiş.
Ma dorêka bîne, heme gêrîllayanê azadîye ke no rûmet bi ma û şarê ma dayo qezenckediş, silam kenê û di tekoşîna înan de serkewtin wazenê.
