Artêşa dewleta tirke ke verva herêmanê Avaşîn, Zap û Metîna dest bi têgêrayîşê îşgalkerîye kerd, raştê xoverderîya destanî ya gerîllayan amî.
Seba ke gêrîllayanê azadîye ra derrbêy giranan wena û nêşikena têbigeyro, sîlahê kîmyewîyan bi kar ana.
Bikarardişê sîlahê kîmyewîyan di medîyaya Ewropa de zî ca girewt.
Rojnameya The Mornîng Stare vizêrî bi manşetê “Dîmenê îddayanê ‘Tirkîya bi çekanê kîmyewîyan êrîş kena’ amey destê Starîe”,vecîya.
Rojnameye di neweya xo de nêy vatîy.
Artêşa tirke 3’ê Gulane herêma Avaşînî de verva gerîllayanê HPG çekê kîmyewî bi kar ardê.
Rojname na neweya xo zî, bi vatişanê rayedaranê KCK’yî ey derheqê mijdare de û bi wêneyanê gerîllayan ke têgêrayîşî îşgalkerîye de şehîd bîy, paştraşt kerde û wêney nîşan day.
Nêy wêneyî zî, medîyaya dijîtale ya komanê faşîstan ra ameyê girotiş.
Vervatoxa KCK Zagros Hîwa di eşkerayîya rojnameye de vat:
“Ma dîy ke di canê şehîdan de ti birînêke çinya. Na zî nîşan dana ke, dewleta tirke di êrîşan de çekêy kîmyewî bikar ardê.”
Komîteya Karanê Teberî ya KCK zî seba cigêrayîşê agahîyanê bikarardişê çekanê kîmyewî, veng ro heme sazî û dezgeyanê mîyannetewî kerdbî ke, wa şirê herêma û cigêrayîş bikerê.
Reyna di neweya rojnameya The Mornîng Starî de, wêneyanê gerîllayan ke erdî ra amey kaşkerdene zî amey barre kerdene.
dîmenê Murat Karayilan bidin li vir
Çend rocîy ra ver, Fermandarê Qerargehe ya Navenda Pawitişî Şarî û fermandaranê HPG’yî zî di bername û eşkerayîyan de eşkera kerdbî ke, dewleta tirke ya îşgalkere di êrîşê verva gerîllayan de çekanê kîmyewî bikar arenê.
