Vengdanê Kongreya Neteweyî ya Kurdîstanî ser o, 15ê Gulane, bi tewirbîyîşê xeylê temsîlkaranê partî, rayvistin û dezgeyan, komxebatêke amî rodarvistene.
Komxebate de, helwesta neteweyî ya vera êriş û îşgalkerîya dewleta tirke, amî nîqaşkerdene.
KNK’ye peynînameya Komxebate bi raya pêroyî reyde barre kerde.
Tay xalêy peynînameye wina yê.
* Serragêrayîya Qirkerdişê Armenîyan de êrişê vera Vaşûrê Kurdîstanî, mesajê qirkerdişî yê.
Ma do bi heme îmkananê xo xîret bikerê ke nêy êrişan bivindarnê û kişta hêzanê pawitişî de, ca bigêrê.
* Bêtîfaqîya netewî, pawitişê destkewteyan qels kena.
Komxebata ma, tîfaqê netewî zê şertê esasî qebul kena û seba yewîya neteweyî vengdanê xo digarg kena.
* Ganî seba hêzanê pawitişî paştîdayişêko xurt bêro nîşandayene û teberê welatî de zî karê dîplomasî bêro avervistene.
* Komxebate, verva êriş û îşgalkerîye vengdanê seferberîya neteweyî kena.
Komxebate veng ro Serekîye, Parlamento û hukmatê Herêma Kurdîstanî kena ke, verva êrişanê tirkan helweste nîşan bidê û hêzanê Tirkîya Vaşûrî ra vejê.
* Komxebate, veng ro dewleta Iraqî kena ke, verva Tirkîya helwestêka cîddî nîşan bido û qada hewayî Tirkîya rê pabido.
* Komxebate, veng ro Neteweyê Yewbîyayeyan, Yewîya Ewropa û hêzanê cîhanî kena ke,verva êrişanê îşgalkerîye, bêveng memanê.
* Komxebate, veng ro dostanê kurdan û raya pêroyî ya demokratîke kena ke, paştîye bidê kurdan û nêy êrişan bivindarnê.
* Komxebate, kurdîstanij û dostanê kurdan ra wazena, aborî û turîzmê Tirkîya, boykot bikerê.
* Seba xebatêka hembarre ya verva êrişan û bicaardişê qeraranê komxebate do “masaya krîzî”,bêra awankerdene.
* Ma verva êriş û îşgalkerîya dewleta tirke, helweste nîşan danê û bi her awayî paştîye danê Hêzanê Pawitişî êy Medya.
Pawitişê Zap, Metîna û Avaşîne, pawitişê hemeyê Kurdîstanî yo.
Ma do bi heme îmkananê xo, wayîr ro na xoverdêrîye bivejîyê.
Ma heman helweste, heme partî, rayvistin, sazî, dezgeyanê Kurdan ra hîvî kenê û pawenê.