Fermandaranê Hemleya Şoreşgre ya Cenga Xabûre ra Piling Suruçî, derheqê êrişê îşxalî yê dewleta tirke û hemleya gerîlayan de ajansa ANF rê qisey kerd.
Fermandar Piling Suruç ard ziwan ke, dewleta tirke wazena hemeye Kurdistanî îşgal bikero û wina dewam kerd:
“Ma kombîyayîşê zimistanî yê HPGyî de vera nê operasyonan amadekarîya xo kerde.
Xora dima înan êrîşê Gare day destpêkerdene.
Bêgûman rûhê xoverdayîşî yê Apoyî, nîqaşan û pespektîfanê ma kerd ke têgêrayîşê îşgalkerîye bin bikewo.”
FERMANDARANÊ HEMLEYA ŞOREŞGER YA CENGA XABÛRE RA PILING SURUÇ:
“DEWLETA TIRKE BI RAYIRA TEKNÎKÎ, ŞERRÊ PSÎKOLOJÎKÎ DANA RAMITENE”
Fermandarê Cenga Xabûre derheqê şerrî de ney vatîy:
Di çarçoveye Cenga Xabûre de, verva îşgalkerîye Herema Metîna de şerrêko giran yeno rayirberdene.
Heta nika ma yew game zî, apey nêeşta.
Şerro ke dewleta tirke kena, şerrê teknîk û psîkolojîkî yo.
Artêşa tirke tenê bi teknîkê xo şikena nêy giran de bivindero.
Verapeyê propagandaya dişmenî, di şerê 17 rojan de tenê 2 rayhevalê ma, di çalakîyan de şehîd bîy.
Erdogan û Bahçelî, bi Hulusî Akarî reyde propaganda kenê ke êy do PKK’yî biqedînê.
Qedênayîşê PKKyî, ende rehet nîyo.
Bi desan hukmatê Tirkîya amey û şîy, la PKK hema zî lingan ser o yo.
FERMANDARANÊ HEMLEYA ŞOREŞGER YA CENGA XABÛRE RA PILING SURUÇ:
“GERE ŞARÊ METÎNA VERVA ÎŞGALKERÎYE BI RIHÊ ŞÊLADIZE XO VER BIDO”
Fermandarê Piling di dewamîya qiseykerdişê xo de vat, ewro Kurdîstan îşxal beno.
Gerîlayê azadîye verê xeyalanê Osmanîyan de benê asteng û wina vengdan kerd:
“Ez bi taybetî venga şarê Metîna dana ke wa dewanê xo war nêverdo.
Rewşa Efrîn û Serêkanîyê verê çiman de ya.
Dewleta tirke nê cayan de çeteyanê xo bica kerdî.
Wa şarê Metîna pê ruhê Şêladizê xo ver bido, paştî bido gerîlayan.
Ez pê bawer a şaranê Bamernê, Amediyê, Bêgorna û pêro şarê Başûrî, do rolê xo bîyarê ca.
FERMANDARANÊ HEMLEYA ŞOREŞGER YA CENGA XABÛRE RA PILING SURUÇ:
“WA PÊŞMERGEY MIL BIDÊ GERÎLLAYAN Û WELATÊ XO ÎŞGALKERAN RA AZAD BIKERÊ”
Fermandaranê Hemleya Şoreşgre ya Cenga Xabûre ra Piling Suruçî di peynî de zî na vengdan kerd:
Ez veng ro pêşmergeyan kena ke wa, wezîfe û verpersîyarîya xo bi ca bîyarê.
Ma pêro şerwanêy şarê kurdî yê.
Wa pêşmerge, gerîla û şerwanî, mil bidê milê yewbînîy û welatê xo azad bikerê.
Ez bi nameyê Xoverdêranê Cenga Xabûre, heme embazan, xisûsî xoverdêranê Bazanê Zagrosan, selam kena.
Serkewtiş yê ma yo.
