Di çarçoveye hemleya “wext wextê azadîye yo” de, 15 sazî û rayvistinanê Kurdan ya Ewropa, bi diruşmeya “Her ca Avaşin, Metîna û Zapî yê” hemle îlan kerde.
Hemleye bi verkêşîya Kongreya Civatê Demokratîkî yê Kurdistanijanê Ewropa, bajarê Kolna ya Elmanya de bi eşkerayîyeke çapemenîye amî îlan kerdene.
15 sazîyê kurdan êy 4 perçeyanê Kurdistanî ra eşkerayîye de hedrey bîy.
Di eşkerayîya hemberre de ame vatene ke, êy do verva êrîşan tekoşînêka hembarre bide.
Eşkerayîye ra dima zî, temsîlkaranê rayvistinan qisey kerdîy û helwesta xo nîşan day.
Dimera zî plansazîya çalakîyan zî amey eşkerakerdene.
Bi goreye naye:
12’ê Gulane bajarê Strasbourg ya Fransa de, bi meş û mitîn bêrê rodarvistene.
Û verê Konseya Ewropa de çalakîya roniştişî ya 4 hefteyan bêro dest pê kerdene.
Do komê bi 30 kesan na çalakîye her hefte deqir bigero.
Reyna do hetanê bawerî ey Kurdistanî bi dêran reyde kom bibê û dosyayan verkêş bikerê.
Enternasyonalîy, Yewîtîya Hêza Demokratîk û Sazîyanê Kurdistani do peynîya aşma Gulane, paytexta Belçîka Bruksel de meş û mitîngêko girseyî rodarbifînê.
Di ney çalakîyan de, do paştîdayîşê NATO ya seba dewleta tirke ke êrîşê Kurdistanî kena, bêro şermezarkerdene.
