Maberê 27 û 29’ê Nîsane, herêma Şehîd Rezmî ya Amede de maberê gerîllayanê azadîya Kurdistanî artêşa tirke ya îşgalkere şerr qewimya.
Di şerr û bombevaranî de 6 gerîllayê cinî şehîd bîy.
Navenda Resnayîş û Çapemenîya HPG derheqê mijare de eşkerayîyêke barre kerde.
Eşkerayî wina ya:
27’û Nîsane qada Helezîl ya herêma Şehîd Remzî ya Eyaleta Amede de, artêşa tirke dest bi têgêrayîşê îşgalkerîye kerd.
Çend cayan de amûraney ke wêneyan ancenê bica kerdîy.
Têgêrayîş 28’ê Nîsane de ame verhîrakerdiş û 29’ê Nîsane de maberê hêzanê ma û dişmenî şerr qewimya.
Di şerrî de xeylê îşgalkerîy amey cezakerdiş û dirbetinkerdiş.
Naye sero îşgalkeran bi teyyaranê şerr û helîkopteran herême bombevaran kerde.
Di şerro ke hemeyî roc dewam kerd de, rayhevalanê ma Nûjîn, Berfîn, Besê, Eser, Jîyan û Tekoşîne, bi qehremanî şerr kerdîy û şehîd bîy. ”
HPG di eşkerayîye de vat, kamîya şehîdan do dima bi raya pêroyî reyde bêrê eşkerakerdene.
HÊZANÊ PAWITIŞÊ HEWAYÎ YÊ ŞEHÎD DELAL AMEDE;
10’Ê GULANE, GIRÊ ZENDÛRA DE DERRBÊY GIRANÎY RO ÎŞGALKERAN DAY
HPG di dewamîya eşkerayîya xo de, derheqê şerrê verva îşgalkerîye ya herêma Metîna de zî agahîy day.
Bi goreye naye;
Hêzanê Pawitişî Hewayî ya Şehîd Delal Amed,
10’ê Gulane, Girê Zendûra ya herêma Metîna de verva îşgalkeran, bi amûranê hewayî 2 çalakîy rodarvistîy.
Di her 2 çalakîyan de, derrbey ro îşgalkeran ame dayene.
dîmenê bombarduman bidin
HPG derheqê bombevaranê artêşa îşgalkere de zî ney agahîy day:
10’ê Gulane Girê Zendûra û qada Kêste ya herêma Metîna û Girê Sîda û geleye Çemço ya herûma Zapî ameye bombevarankerdene.
Di bombevaranî de şewat vecîya.
HPG vat, di bombevaranî de çîyêk bi hêzê gerîlla nêbi.
