Endamê Komîteya Rayirbere ya PKK’yî Dûran Kalkanî, derheqê êrîşanê verva Heremanê Pawiteyan êy Medya de vat.
Gêrîllay vera îşgalkerîye xoverdêrîyêka tarîxî nîşan danê û wina dewam kerd.
Ez na xoverdêrîya destanî ya gêrîllayan silam kena û heme şehîdanê xoverdêrîye bi rêzdarî û hurmet bi vîr ana.
Na xoverdêrîyê, esasanê heşmendî û ferasetêke sero yena nîşandayene.
Coka, do serkewtin zî teqez yê na xoverdêrî û nêy xoverdêran bo.
ENDAMÊ KOMÎTEYA RAYIRBERE YA PKK’YÎ DURAN KALKAN:
“BI NEY ÊRÎŞÎ WAZENÊ DI ŞEXSÊ PKK YÎ DE HEME KURDAN QIR BIKERÊ”
Kalkanî bale ante heşmendî û ferasetê dewleta tirke ser û nêy vatîy.
Wextê Îttîhat-Terrakî ra na heta, dewleta tirke bi ferasetê qirkerîye, yena rayirberdene.
Tifaqo faşîst yê AKP-MHP zî, ey ferasetî sero, wazeno heme kurdan qir bikero.
Seba ke PKK’yî di vernîya na plana xo de kelem û asteng vînenê, êrîş kenê.
Çimkî PKK, vernîye ro qirkerdişî geno û rayira azadîye, akeno.
Rewşe cîddî ya.
Dewleta tirke, seba pêkardişê plana xo, bi konseptêkê topyekûnî û bi heme hêza xo, êrîş kena.
Êrîşê Rayver Apoyî kenê, êrîşê şarî, êrîşê Têgêrayişê Azadîye, kenê.
ENDAMÊ KOMÎTEYA RAYIRBERE YA PKK’YÎ DURAN KALKAN:
“GELO DO PARLAMANTOYA VAŞÛRÎ VERVA ÎŞGALKERÎYE KINGÊ QISEY BIKERO?”
Duran Kalkanî vat; Faşîzmê dewleta tirke bi hetkarîya hêzanê cîhanî û heremî êrîş kena.
Hêzêy heremî, destek danê Tirkîya. Nika zî danê.
Biawnê Hewlêre û Bexda ra, vengêke nêvecîyeno.
Gelo! Do parlamentoya Vaşûrê Kurdistanî, kingê qisey bikero?
Di wexto ke axa Vaşûrî yena îşgalkerdişî de bêveng bimana, do êdî kingê û seba çiyî qisey bikero?
ENDAMÊ KOMÎTEYA RAYIRBERE YA PKK’YÎ DURAN KALKAN:
“XOVERDÊRÎYA DESTANÎ YA GÊRÎLLAYAN BÎYA TERS Û XEWFÊ ÎŞGALKERAN”
Dûran Kalkanî vatiş ard xoverdêrîya gêrîllayan ya verva îşgalkerîye ser û nêy vatîy.
Dewleta tirke wazena bi êrîşanê verva gêrîllayanê azadîye, damara azadîwaze ya kurdayetîye, wişke û pûç bikero.
Gêrîllayê Azadîye, bi xoverdêrîyêka destanî, qidûm ro îşgalkeran şikito.
Gêrîlla, seba înan bîyo ters û xewfêko pîl.
Serra 1983’ine ra na heta, êrîşê gêrîllayî kenê la bi ser nêkewenê, do ewro zî bi ser nêkewê.
ENDAMÊ KOMÎTEYA RAYIRBERE YA PKK’YÎ DURAN KALKAN:
“GERE VERA ÎŞGALKERÎYE VINDERTIŞ Û HELWESTE YEA BÊ”
Duran Kalkanî, vatiş ard erk û verpesîyarîya şar û civatî ser û vat.
Ma zê gêrîlla û şarî, verva îşgalkerîye xo ver danê.
Tu kesêke nêşikeno vaco, no perçe yê min o û şima nêşikenê îtîya vinderê.
PKK, xo zê hêza pawitişê hemeyê Kurdistanî, vîneno.
Xoverdêrîya ma, seba azadîye ya û ma do heta azadîye zî, xoverdêrîya xo bidomnê.
Ma veng ro heme şarê xo û heme hêzêy bînan kenê;
Bêrê, ma têreyde Kurdistanî biseweknê û azadîye, bi dest bifînê.
