Fermandarîya Qerargehe ya Navenda Pawitişê Şarî NPG, bi eşkerayîyêka nûştekî serragêrayîya 17’ine ya Hemleya 1’ê Hezîrane firaz kerde.
Eşkerayîya NPG wina ya.
Fermandarîye, serragêrayîya 17’ine ya “Hemleya 1’ê Hezîrane”, di serre de ro Rayver Apoyî, keyeyanê şehîdan, şarê Kurdî, heme rayhvalan û heme merdimayîye firaz kena.
Reyna heme şehîdanêy ke seba biserkewtişê na hemleye canê xo dayo bi rêzdarî û minnet bi vîr ana sozê xo yê bi servistişê tekoşîna azadîye dorêka bîne newe kena.
Eşkerayî wina dewam kena.
Hemleya 1’ê Hezîrane, di tarîxê tekoşîna azadîye de, badê hemleya 15’ê Tebaxe qunaxê didiyine ya xoverdêrîye, îfade kena.
Na hemleya ke serra 2004’ine de amî destpêkerdene, cewab o tewir pîl yê konseptê qirkerdişê yê dewleta tireke û hêzanê mîyanetewî bî.
Reyna Hemleya 1’ê Hezîrane, çimeyê îlhamî yê Şerrê Şoreşgerî, ke serra 2015’ine de amî destpêkerdene ya.
Verva komploya mîyanetewî, ke wazenê dorêka bîne verva şar û têgêrayişê azadîye giyan bikerê, bi rihê na hemleye,tekoşîne yena dayene
FERMANDARÎYA QERARGEHA NAVENDA PAWITIŞÊ ŞARÎ:
“GÊRÎLLAYÊ AZADÎYE BI RIHÊ 1’Ê HEZÎRANE VERPERSÎYARÎYANÊ XO BI CA ANÊ”
Di seragêrayîya 17’ine ya Hemleye de, şar û têgêrayişê ma bi şîarê ” Wext wextê Azadîye yo”, pêvajoye verwazî kenê.
Di serre de hetê Rayver Apoyî ra Îmralî de, reyna zîndan, bajar, dîyaspora û koyan de xoverdêrîyêka pîle yena dayene.
Gêrîllayê Azadîye, di 17 serrêy peyênan de bi rihê fedayî yê Apoyî û qerardarîya Hemleya 1’ê Hezîrane hewl danê ke meşê azadîye bi ser bifînê.
Seba naye zî do heme verpersîyarîyanê xo, bi ca bîyarê.
Zê Garê, do ewro zî bi rih û qerardarîya Hemleya 1’ê Hezîrane, Avaşîn, Zap û Metîna de, heme teorîyanê şerrî serobin bikero û dorêka bîne nîşan bido ke, Gêrîllayê Azadîya Kurdistanî, hêzêka ke nîna têkberdişî ya.
Di na çarçova de, ma serragêrayîya 17’ine ya Hemleya 1’ê Hezîrane, ro heme şar, dostan û heme rayhevalanê xo firaz kenê û di serra 18’ine ya Hemleye de,lejwananê azadîye, şarê xo û heme hêzanê tekoşîne rê, di meşê azadîye yê Rayver Apoyî û şarî de, serkewtin wazenê.
