Dewa Şêxan ya Şarçeya Payizava ya Wanî de dewleta tirke ya îşgalkere bi rayira tay şîrketan wazena kana mermerî abikero.
Seba ke yeno zanayiş dewicîy di ware û merayanê xo de kana mermerî nêwazeneê, rayedaranê şîrketî bi esker û cerdewan û makîneyanê karî şibî dewe.
Rayedaranê Şîrketî bi hetkarîya esker û cerdewanan bi qasê 40 gûmeyê sewalan êy dewican ricnabîy.
Dewicanê Şêxane verva na hovîtîye dest bi meşî kerd bi gulevaranê esker û cerdewanan reyde ribiri mendîy.
Nika pesê dewican bi sebebê ricnayişê gume û axuran teberî de mendo.
Şarê dewe biqerar o ke destûr nêdo akerdişê kanê mermerî di ware û merayanê xo de.
Bi no sebeb zî dewicîy bi gefêy cîyayan êy esker û cerdewananê dewlete reyde ribiri yê.
Dewican ra Zarîfe Bîleke vana.
Roca ricnayişê gumeyan xeylê bombeyê xazî eştîy mîyanê dewe.
Wina bibi ke domanîy nêşikayêne nefes bigerê û bidê.
Dewico bi nameyê Mîkaîl Bîlekî zî vano cayêy ke ricnay axurê ma û cayê pesdoştişî bîy
Nêverda ma pesanê xo vecê.
Ma perîşan kerdîy
Dewico bi nameyê Mahîr Yucelî zî vano;
Gume û axurê min xerepnay.
Ro miletî da û dime ra zî xaz û sîlah bi kar ard.
Dewican vat esker û cerdewanîy seba ke ma dewe veng bikerê ma bi kiştişî tehdît kenê.
