Kurdistanijêy Ewropa verva êrîşanê îşgalkerî êy dewleta tirke, hemkarîya NATO, Emrîka û Dewletanê Ewropa lingan sero yê.
Kurdistanijîy ewro Bruksel de bîy.
Verê balyozxaneya Emrîka ya Brukselî de hemkarîya NATO ya bi dewleta tirke reyde, qerarê Emrîka yo seba 3 rayirberanê Têgêrayişê Azadîye şermezar kerd.
Çalakîya Kurdistanijan bi verkêşîya Navenda Civatê Demokratîkî ya Belçîka amî rodarvistene.
Xeylê sazî û dezgeyanê Kurdan zî paştîye da çalakîye.
Çalakîye de pankartê “NATO û Emrîka destê xo Kurdistanî ra biancê, Êrîşanê îşgalkerîye êy dewleta tirke ya faşîste rê nê” amey berzkerdene.
Bi flemayanê KCK yî û posteranê Rayver Apoyî, qerarê Emrîka yo verva 3 Rayveranê Têgêrayişê Azadîye ame protestokerdene.
Di qiseykerdişan de bale ancîya hemkarîya bi dewleta tirke reyde û bêvengîya welatanê Ewropa û dinya amî şermezarkerdene.
Temsîlkaranê xeylê rayvistinanê mîyanetewî zî di çalakîye de qisey kerd û paştîye da tekoşîna şarê kurdî ya verva êrîşanê dewleta tirke.