Gerîllayê HPG Oner Kirmaz bi nameye naskerde Mahîr Farqîn 14’ê Nîsane qezaya Licê ya Amede de di şerrê verva îşgalkerîye tirke de şehîd bib.
Keyeyî Kirmazî cenazeye lacê girote û waştîy goristana Mêrelîya ya Farqîne de defin bikerê.
Eskeranê dewleta tirke seba ke kes tewrê merasime nêbo, dormeye dewe girotê.
arşîv binivsin
sirnak-060715-roboski-asker-silahli-saldiri dra18
Rixmê naye zî bi seyan kes tewrê merasime bîy û bi awayoke girseyî cenazeyê gerîllayê HPG ame definkerdene.
Rayirberande rayvistina HDP ya Farqîne zî bi heyetêke waştîy şirê dewa Mêrelîya la hetê eskeran ra amey astengkerdene.
Eskeran nêverday ke heyete derbase dewe bibo.
Naye sero, hemserokê HDP ya Farqînî Kenan Kaydu verva astengkerdişî nêrazîbîyîş nîşan da.
Eskeran zî êrîşî ci kerdîy û bi îşkenceyî, ci dekerdê wesayîta xo.
Di wesayîtî de zî Kenan Kaydi raştê îşkenceyî ame.
Bi sebebê pirodayîşî eskeran, Kenan hişê xo vînî kerd û ey hewanay Nêweşxaneye Dewlete ya Yusuf Azîzoglu.
Kenan Kaydu derheqê îşkence û êrîşê eskeran de ajansa Mezopotamya rê qisey kerd û vat:
“Ma ra vatê ‘şima amey çi’. Nêverday ke me derbase dewe bibê û maberê ma de nîqaşîy vecîya.
Êrîşê min kerdîy û min dekerdê wesayîta xo.
Pey ra destê min kelemçe kerdîy û ro min piroday. ”
