LI HUCREYEKE ZILMÊ Û FAŞÎZMÊ BERXWEDAN Û TÊKOŞÎNEKE NEDÎTÎ
JI HEV RE BÛN DEST, LING Û ÇAV… “BI SOZA ME DAYÎ HEV EM LI SER PIYAN MAN”
Girtiyê nexweş Abdullah Tûran ê ji gewriya xwe û jêr ve felce û di encama têkoşîn û berxwedaneke demdirêj de hat berdan, giha cih û warê xwe.
Abdullah Tûran birin gundê Nenyasê yê navçeya Amedê Licê û niha li cem malbata xwe ye.
Piştî ku bi wî halê xwe yê nikare xwe qet bilivîne ji zindanê derket, pirsa “gelo çawa dikarî bi tena serê xwe debara xwe bike, pêdiviyên xwe bi cih bîne?” dikeve serê mirovan.
Ajansa Mezopotamya bi hevpeyvîneke taybet a li gel Abdullah Tûran bersiva vê yekê da.
Abdullah Tûran, Serdal Yildirim û Ergîn Aktaş…
Sê girtiyên nexweş ên azadiyê li zindana Metrîsê Tîpa R hejmar 2 di hucreyeke zilm û faşîzmê de bi tena serê xwe dihatin girtin.
Serdal Yildirim ji noqê û pê ve felc bû.
Abdullah Tûran ji gewriya xwe û jêr ve felc bû.
Û Ergîn Aktaş bi qismî kor û her du destên xwe nebûn.
