Hemserokê Yewîtiya Nîştîmanîya Kurdistanî YNK Lahor Şêx Cengî,Qelaçulane de bi Fermandarîya Pêroyî ya Hêzanê Pêşmergeyan reyde kombîyişêke viraşt.
Lahor Şêx Cengîyî di kombîyiş de behsê rewşa ewleyî ya Herema Kurdistanî kerd û vat;
Êy duştverê heme şerranê xomîyanî yê maberê Kurdan ê.
Hemserokê YNK vat;
Êy heme hewldananê ke aramî û ewleyîya Herema Kurdistanî fînenê mîyanê talûkeyî şermezar kenê.
Û êy bi tu awayî, nê tewrê şerrî benê û nê zî hetkarîya şerrêkê, ke gunîya Kurdan bi kurdan bido rişnayişî kenê.
ŞÊX SALAR SUREMEYRÎ:
“HEKE HELWESTE NÊRO NÎŞANDAYIŞ Û VAŞÛR ZÎ BIBO EFRÎN”
Nêrazîbîyişêko bîn yê verva îşgalkerîy Oldaranê Vaşûrî ra ame.
Oldaranê Vaşûrî derheqê îşgalkerîya dewleta tirek û bêvengîya PDK ya verva îşgalkerîye sero Rojnewse rê qisey kerd.
Oldaran ra Şêx Salar Suremeyrîyî, Erdogan zê Hîtlerê serdeme biname kerd û vat;
Ger Hikumat û Şarê Vaşûrî verva êrîşanê Erdoganî helweste nîşan bidê.
Heke hewlwestêka cîddî nêro nîşandayiş do zê Efrînî Vaşûrê Kurdistanî zî bêro îşgalkerdene.
Serokomarê tirkîya Erdogan, bi ferasetê Tûranîtîye tê geyreno û tu eleqeyêkê ey bi dînê îslamî çîn yo.
MELA RÊBWAR:
“ÎŞGALKERÎYA DEWLETA TIRKE DUŞTVERÊ ÎSLAMÎ Û ŞARÊ KURDÎ YA”
Mela Rêbwarî zî vat îşgalkerîya dewlete tirke verva Olê îslamî û Şarê Kurdî ya.
Mexsedê dewleta tirke hîzbêka kurde nê, îşgalkerdişê heme axa Kurdistanî û têkberdişê destkewteyanê şarê Kurdî yo.
Mela Rêbwarî veng ro heme hêzanê sîyasî û partîyan kerd ke, bi verpersîyarî û exlaqane nizdê mesela bibê û verva îşgalkerîye yewîtîye pêk bîyarê.
Heke yewîtîya Şarê Kurdî estbayêne se dewleta tirke nêşikayêne nêy êrîşan pêk bîyaro.
Di cayo ke verva îşgalkeran tekoşîne bidê şerrê maberê Kurdan bi tu awayî nîno qebûlkerdene û şaro Kurd helwestêka winayine qebûl nêkeno.
