Kongreya Civaka Demokraîtke ya Kurdistanijanê Ewropa bi eşkerayîyeke da zanayene ke:
ey do verva êrîşê îşgalkerîye ey dewleta tirke, di asta cîhanî de çalakîy organîze bikerê.
Di eşkerayîye de, bale ancîya xoverderîya gerîllayan ya seba pawitişê axa Kurdistanî ser û wina ame vatene;
“Bi mexsedê qirkerdişê şarê kurd, dewleta tirke 23’ê Nîsane ra êrîşê Vaşûrê Kurdistanî kenê.
Heke vernî ro ney êrîşan nêrê girotene, do şaro kurd heme destkewteyanê xo vîndî bikerê.
Bi hemleya “wext wextê azadîye yo” gere şarê ma yê Ewropa bi heme dostê xo, di na pêvajoya krîtîke de bivecîye meydanan.
Bi rihê serrewedartox û seferverîye, nêrazîbîyîşê xo nîşan bidê û wayîr ro tekoşîna gerîlla bivecîye. ”
Plansazîya çalakîyanê KCDK-E ke do bêrê rodarvistene wina yê:
12’ê Hezîrane, hemeye Ewropa, Kanada û Awûstralya de, do meş û mîtîngîy bêrê rodarvistene.
13’ê Hezîranê, verva kombîyîşê NATO, ke serokê rejîmê faşîstî Erdogan zî tewir bibo, do çalakîyêke bêro organîzekerdene.
14’ê Hezîrane, seranserê welatanê Ewropa de, do çalakîy bêrê rodarvistene.
26’ê Hezîrane, bi wesîleya serragêrayîya 9’ine ya nobeda “Ocalanî rê azadî”, do Strasbourge de meş û mîtîng bêrê rodarvistene.
4’ê Temmûze, di asta Cîhanî de, do verva faşîzmê AKP-MHP, çalakîy bêrê pêkardene.
