CEJNA NOELÊ
KOMÎTEYA GEL Û BAWERIYAN A KCK’Ê CEJNA NOELÊ PÎROZ KIR
Komîteya Gel û Baweriyan a KCK’ê bi wesîleya Cejna Noelê daxuyaniyek da.
KCK’ê diyar kir ku tevgera Azadiya Kurdistanê weke pîvana sereke biratiya gelan û baweriyan esas girtiye:
Bi navê Tevgera Azadiyê ya Kurdistanê ku ji roja dest bi têkoşînê kiriye û vir ve biratiya gel û baweriyan ji xwe re kiriye pîvan, di şexsê Kurdistaniyên Xiristiyan de em Cejna Noelê li civata Xiristiyanan pîroz dikin.
Bi wesîleya vê rojê, em hêvîdar in ku li Rojhilata Navîn û gelek herêmên cîhanê dawî li şer bê anîn, mirovahî di nava aştî, aramî û tenduristiyê de bi rengekî azad û demokratîk bijîn.
KCK’ê bi bîr xist ku mirovahiyê sala 2020’î di nava atmosfera tundî û şer de derbas kir ku neteweperest, lîder û hikumetên faşîst ên olê bi kar tînin, bûn sedema vî şerî.
Em bi hêvî ne ku Cejna Noelê ya îsal bibe wesîleya saleke nû ya mîladî ku ev zor û zehmetî hemû bi dawî bûne û saleke bi tenduristî û aramiyê derbas bibe.
Baweriya me pê heye ku sala 2021’ê bibe saleke welê ku têkoşîna demokrasiyê ya ku lîder û hikumetên faşîst neteweperest hilweşîne, mohra xwe lê bide.
KCK’ê di dawiya daxuyaniya xwe de jî ciha da van temeniyên xweşbîn:
Em bi baweriyeke hîn mezintir dest bi saleke nû ya mîladî dikin.
Em di wê baweriyê de ne ku 2021’ê wê bibe saleke wisa ku têkoşîna azadiya jinê mezintir bibe
Nirxên demokratîk di asta pîrozmendiyê de bên qebûlkirin, berxwedana gelan a bi hişmendiya ekolojîk wê xurtir bibe.
