Hemseroka KNK Zeyneb Murade,êrişê Dewleta Tirke yê verva Vaşûrê Kurdistanî, zey êrişê verva Statuya Vaşûrê Kurdistanî biname kerd û vat:
Dewleta Tirke bejayî û hewayî ra 23’ê Nîsanî ra naheta êrişê Vaşûrê Kurdistanî kena.
Metîna,Zap û Avaşîne heremê sinorê nîyê.
Dewleta Tirke êrişê Statuya Vaşûrê Kurdistanî kena.
Dewleta Tirke êrişê heme Kurdan kena..
Gere Kurdîy verva êrişanê Dewleta tirke vengê xo berz bikerê.
Hemseroka KNK Zeyneb Murade bêvengîya hukumatê Ferderal ya Kurdistanî zî rexne kerd û vat;
Dinya û alem bi êrişê dewleta Tirke hesyayê.
Hukumatê Federal ya Vaşûrê Kurdistanî êrişê Dewleta tirke ra bêvenga.
Bêvengîya Hukumatê Hewlêre yeno mehneyê qebulkerdişê êrişîy.
Gere heme partîy û hêzê Kurdistanî,êrişê Dewleta tirke vero vengê xo berz bikerê.
ENDAMÊ KNK’YÎ XALÎD QADIR
“GERÎLLA XOVERDANO,GERE ŞARZÎ XOVERBIDO”
Endamê Kongreya Netewî ya Kurdistanî KNK Xalîd Qadîrî zî êrişê Dewleta tirke şermezar kerd û vat;
Gerîllayê azadîya Kurdistanî bi ruhê fedaîtîye xo ver danê..
Artêşa Tirke hewldana di şexsê Gerîllayan de şarê Kurdî qirbikera.
Dewleta tirke êrişê heme destkewteyanê şarê Kurdî kena.
Dewleta Tirke,dişmenê heme partîy û rayvistinanê Kurda ya.
Gere heme partîy û rayvistinê Kurdan,bi na raştîye bizanê.
Xalid Qadirî vat, roc roca yewîtîy û wayirvecîyayişê tekoşîne ya.
Lazimo heme partîy û rayvistinê Kurda,bi ruhê yewîtîya neteweyî îşîgalkeran vero bivecîyê..
