Murat Yildiz Dewa Kilmerî ya Qezaya Pîlure Dersîme de heywanîy wey kerdên.
Seba ke heyvananê xo bero zozanan,heywananê xo rê cayê wareyê hedre kerdên.
Artêşa Tirke bi teyyaranê bi çek ya SÎHA 7’ê Gulane de, dormeye dewe bombevaran kerd.
Teyarayan wesaîta Murat Yildizî hedefgirewtbî û Muratî cuwîyeye xo vînî kerd.
Hemseroka HDP ya Dersîme Nurşat Yeşîle kiştişê Murat Yildizî şermezar kerd û vat:
Murat Yildiz, 7’ê Gulane de bi îznî qereqola Cerdimanê Qezsaya Pîlure şîyo ware.
SÎHA’yan wesaîta Yildizî bombevaran kerd û Murat qetil kerd.
Şarê Dersîme pers keno û vano,Eger cayo ke Murat tede ameyo kiştiş,operasîyana Eskerî estbîya,çira qerekola Qezaya Pîlure îznî şîyayişê Muradî dayo?
Nurşat Yeşîle dazanayişî ke,Şarê Dersîme kiştişê Muradî ra zaf acizo.
Serokê Federasyona Komeleyanê ELewîyanê Dersîme Alî Haydar Benîzî kiştişê Murad Yildizî sero ney ardîy ziwan:
Hardê Derwîşî de bi serano Artêşa Dewlete operasîyonan virazena.
Her operasîyone de şarê ma zirar vîneno.
Daristananê ma veyşnenê û ziraro pîl ro xoza ya Dersîme danê.
Murat Yildiz bi keyfî û bi plan ameyo kiştiş.
Gere ma kiştişê Muradan vero bivecîyê.
Seba ke qetîlê Muradî bi vecîyê werte,gere ma heme bi verpersîyarîye têbigeyrê..
