18’ê Gulane saetanê şew de, Amede de vengê teqayişêko zaf pîl ame.
Saet 12 û nîmê şewe de teqayîşeko bîn zî virazîya.
Badê teqayîşan vengê gulevaranîy ro Amede vila bi.
Ame zanayiş ke her 2 teqayîşîy zî Balafirgeha Eskerî ya Amede de pêk ameyê.
Di serre de Wezaretê Pawitişî ya dewleta tirke ya îşgalkere, hesabê xo yê Twîtterî sero vat:
“Verva baregeha ma, bi teyaranê maketan êrîşeke pêk ame. Ti zirekê hêzanê ma nêbi.”
La belê bado zî wezaretê dewleta îşgalkere na Tweeta xo esterna.
Dime ra zî Wezîrê Karanê Zerreyî Suleyman Soylu heman agahîye barre kerd û îddîa kerd ke ti zirarêkê hêzanê înan nêbîyo.
La belê têgêrayîşê badê teqayîşan û vengê guleyan, verapeyê îddayanê dewleta tirke bîy.
Xeylê ambulansîy ver bi cayê teqayişî şîy û amey.
Reyna xeylê tîmê adirkujî zî bi wesayîtanê taybetan verê xo da balafirgeha eskerî ya Amede.
Bi goreyê agahîyanê tay çimeyan, kişte û dirbetinê artêşa tirke ya îşgalkere est ê.
Na baregeha hêzanê hewayî ya artêşa tirke ya Amede, cayanê ke tewir zaf yena pawitişî ra yew a.
ÇALAKÎYA GERÎLLAYAN YA VERVA BALAFIRGEHA ESKERÎ YA AMEDE
5 SERRÎY RA VER GERÎLLAYAN TEYARAYA ŞERR YA F16 ARDÎBÎY WAR
Gere bêro bivîr vistene ke:
12’ê Kanûna 2016’ine de, wextoke teyyarayê şerr yo F16 hewl da xo balafirgeha eskerî ya Amede de rono, kewt war û perçe bibi.
HPG o wext bi eşkerayîyeke dabi zanayene ke, na çalakîye hetê hêzanê gêrîllayan ra bi raybazêka taybet amîya kerdene û înan no teyyarayê şerrî visto war.
Welatijanê dewa Yeşîldere zî na yewe paştreşt kerdebî.
