Têgêrayîşê Cinîye Kurdan yê Ewropa TJK-E, seba ke bale biancê şîdetê verva cinîyan di Tirkîya de ser, kampanyaya “Seba mahkemekerdişê dîktatorêke 100 sebebîy” dabî dest pê kerdene.
Kampanya 25’ê Mijdara 2020’ine de dest pê kerd.
Qonaxa yewin ya kampanyaya îmzeyan, 4 aşmîy dewam kerd.
TJK-E bajarê Zurih ya Swîsre de, bi eşkerayîyeke encam û mîyaneka kampanyaye bi raya pêroyî reyde barre kerde.
Nameye TJK-E sero Neslîhan Dersime eşkerayî da.
Neslîhane da zanayene ke, kampanya di çarçoveye hemleya “verva qirkerdişê cinîye, wext wextê pawitişî azadîya cinîye û cuwîye yo” ameya rayirberdene.
Neslîhane wina dewam kerd:
“Dîktator Erdogan di serre de, bi qerarnemayêke Tirkîya û Kurdistanî, rayire ro tacîz, tecawiz û kiştişê cînîyan akerd.
Ma waşt bi na kampaya, bibê vengê cinîyan ke bi destê dewlet û çeteyanê aye ameye qetilkerdene. ”
Di pêvajoya 4 aşman de, 235 hezar û 727 îmzey ameye komkerdiş.
Ma bi dosyayan, serre ro Netewanê Yewbîyeyan da.
TJK-E da zanayene ke, do kampanya di qonaxa 2’ine de zî dewam bikero û wina vat:
“Ma do kampanyaya xo ya “seba mahkemekerdişê dîktatorêke 100 sebebîy” 2 binkeyan sero bidomnê.
Seba roştîkerdişê qetliama Parîsî û seba mahkemekrdişê sucdaran.
Di na çarçoveye de, ma zey TJK-Ewropa, ma do hemleya xo pîle û verhîra bikerê.
Do seserra 21’ine bibo seserra cinîyan. ”
TJK-E di peynî de zî na vengdan kerd:
“Ma veng ro heme cinîyan kenê ke, tekoşîna verva faşîzm, zayendparêzî, tecrîd, îşgalkerî û nijadperestîye berz bikerê.
Di faşîzm vînî bikerê û cinîy serbikewê.”
