Hemseroka DBP Salîha Aydenîze, mexsedê gerra Çûkûrovayî, pêdîyişanê bi şarî reyde û mijaranê rojdeme sero qisey kerd.
Salîha Aydenîze vat;
Tifaqê AKP-MHP tifaqêko faşîst o. Di serre de kurdîy bi bêvengkerdiş û tepesnayişê civatî wazeno îqtîdarê xo bidomno.Ma seba teşhîrkerdişê ney ferasetî, bi şarê xo reyde amey pêhete. Ma dî ke şarê ma verva polîtîkayanê zextî bi tu awayî serre çewt nêkeno. Polîtîkayê asîmîlasîyon û kamîya xo ra dûrîvistişî êy îqtîdarî bi ser nêkewtê. Rixmê heme zext û tehdîdan zî ziwan û çandê xo paweno.
Di pêdîyişan de, şarê ma seba çareserîya persgirayan û pêkameyişê tirkîyayêka demokratîke, bipeynîkerdişê tecrîdî ro ser Birêz Abdullah Ocalanî ard ziwan.
HEMSEROKA DBP SALÎHA AYDENÎZE:
“AKP-MHP 6 SERRÎY O BI DERRBEYAN ÎQTÎDARÊ XO DOMNENÊ”
Salîha vatiş ard vate vatanê derrbeye ser û wina dewam kerd.
Tarîxê tirkîya, tarîxê derrbeyan o. Îqtîdarê AKP-MHP 6 serrîy o bi derrbeyan îqtîdarî de yo. La seba ke na raştîye bilûmno, heme muxalefetê verva xo, bi derrbekerîye bi name keno.Bi naye zî wazeno raya pêroyî bi rojdemêy veng û bêmehneyan biaweqno.
Salîha derheqê mijara tifaqan de zî nêy ardîy ziwan.
Di tirkîya de tifaqê Milet û Cûmhûrî est ê. La nêy her didiyî zî şaranê tirkîya vervar nêkenê.Îtîya de muhîmîya rayira 3’ine vecîyena orte. Na zî tifaqê demokrasîyî ya ke hemeyê şarêy tirkîya xo tede bivînê ya.
HEMSEROKA DBP SALÎHA AYDENÎZE:
“RAYIRA ÎQTÎDARBÎYIŞÊ MUXALEFETÎ DI PESGIRAYA KURDE DE BI CESARET GAME EŞTIŞ A”
Hemseroka DBP Salîha Aydenîze vatişê xo wina bi peynî kerdîy.
Seba tirkîyayêka demokratîke gere gamêy bi cesaretî bêrê eştene.Na zî di persgiraya kurde de bi cesaret têgêrayişî, pêkan a.Muxalefet ke di persgiraya kurde de gamêy bi cesaretan nîyerzo, şansê ey yê îqtîdarî çîn yo.
Zêy nimûneyî di mijara tecrîdî de, çi fikrîyenê?
Bi awayêko fermî bikarardişê ziwanê daye de, polîtîkaya înan çi ya?
Derheqê statûya şarê Kurdî de çi fikirîyenê ?
Gere nînan raya pêroyî rê bikerê.
