Rojnamegerên Sînornenas di rapora azadiya çapemeniyê de eşkere kir ku welatê Tirkiyeyê di lîsteya azadiya çapemeniyê de, ji nav 180 welatan di rêza 154’an deye. Di raporê de hate gotin ku li seranserê cîhanê 387 rojnameger hatine girtin.
Rojnamegerên Sînornenas (RSF) rapora azadiya çapemeniyê ya sala 2020’an eşkere kir. Li gorî raporê, 387 xebatkarên çapemeniyê di girtîgehê de ne.
Li gorî raporê li Çînê 117, li Siûdî Erebistanê 34, li Misirê 30 û li Sûriyeyê jî 27 xebatkarên çapemeniyê di girtîgehê de ne. Hate diyarkirin ku li dinyayê bi giştî 42 rojnamegerên jin girtî ne. RSF’ê diyar kir ku 54 rojnameger hatine revandin û çar rojnameger jî winda ne.
Li gorî raporê li temamê dinyayê 130 rojnameger ji ber nûçeyên li ser şewba koronavîrusê hatine girtin.
Li gorî raporê Tirkiye di lîsteya azadiya çapemeniyê de di nav 180 welatan de di rêza 154’an de ye.
