Êrîşê hêzê PDK yo verva gerîllayan û reyna tecrîdkerdişê Rayver Apoyî yeno şermezarkerdiş.
Kurdistanijê bajaranê Ewrupa, vizêr qadan de bîy û çalakîye protestokerdişî rodarvistîy.
Ewrupa de êrîş û hemkarîye PDK ya bi dewleta tirke reyde û reyna tecrîdkerdişê Rayver Apoyî ame şermezarkerdiş.
Têgêrayîşê Ciwananê Şoreşger herêma Villiers Le Bel ya paytexta Fransa Parîs de meşek rodarvist.
Meşe de tecrîd zî ame şermezarkerdiş.
Îtîya zî herêma Drancy ya Parîs o.
Hemkarî û êrîşkarîya PDK ame protesto kerdiş.
Kurdistanijî bajarê Bordo bi heman mexsed kom bîy.
Di çalakîye de Azadîya Rayver Apoyî zî ame waştene.
Bajarê Marsîlya de zî Têgêrayîşê Ciwananê Şoreşger û TEKO-JIN êrîşkarîya PDK yo verva herêma gerîllayan û tecrîdê Îmralî şermerzar kerdîy.
Xoverderîya zindanan zî ame silamkerdiş.
Ciwanan eşkerayîyeke day û day zanayene ke, heta ke îşgal û tecrîd nêqedîyo, do çalakîye înan dewam bikerê.
Îtîya zî bajarê Bielefed ya Elmanya yo.
Ciwananê Kurd bi heman mexsed kom bîy û eşkerayî da.
Di eşkerayîya ciwanan de êrîşkarîye PDK ame şermezarkerdiş.
Û peyamê xoverderîya ame dayîş.
Bajaranê Koln, Nurnberg û Dortmund de zî verva êrşîkarîya PDK û tecrîdkerdişê Rayver Apoyî çalakîy amey rodarvistene.
