Êrîşê dewleta tirke ke 23’ê Nîsane de bi mexsedê îşgalkerdişê Vaşûrê Kurdistanî amebî destpêkerdiş dewam kenê.
Di qada mîyanetewî de zî nêrazîbîyişê verva nêy êrîşanê îşgalî êy dewleta tirke zêdîyenê.
Serokê Navenda Rogêrayişanê Kurdî yê Misirî û endamê Însîyatîfê Erebî yê “Ocalanî rê Azadî” Recayî Faîdî derheqê mijare de Rojnewse rê qisey ker.
Erdogan roca ameyişê îqtîdarî ra na heta verva şaranê hereme sûcan keno.
Tewir peynî bi êrîşê verva Vaşûrê Kurdistanî, binligkerdişê serwerîya Îraqî kerde.
Artêşa dewleta tirke axa Îraqî de sîlahê kîmyewîyan pêk ana û welatijanê Îraqî hedef gena.
Nêy êrîşî bi xeyalanê Osmanîtîya newîye,hewldanê îşgalkerdişê beşêke axa Îraqî û Sûrîya yê.
Recayî Faîdî veng ro Yewîtîya Ereban kerd kerd ke verva na helwesta îşgalkerîye bikewê mîyanê têgêrayişî.
Reyna sendîka, partî û hêzanê sîyasîyan û roşinvîranê welatanê Ereban ra waşt ke bêvengîya xo bi peynî bikerê û helewestêka cîddî nîşanê îşgalkerîye û bikarardişê sîlahanê kîmyewîyan di axa Îraqî de bidê.
Recayî Faîdî vatişê xo wina bi peynî kerdîy.
Şaro Ereb verva nêy êrîşanê dewleta tirke bi fikar o.
Gere seba bipeynîkerdişê destdergî û îşgalkerîya dewleta tirke, heme raybazîy bêrê bikarardene.
