SEREKÇETEYÊ DEWLETE PÎSÎTÎYAN ÎFŞA KENO
“SAVAŞ BÛLDAN Û KARSAZÊY KURDÎY HETÊ AGAR Û EKENÎ RA AMEY KIŞTENE”
Dewlete û çeteyê xo pêkewtîy.
Serekçeteyanê Dewlete ra Sedat Peker ke merdimo munasib yê Erdoganî bi, îfşayanê xo domneno.
Di vîdeoyê ewroyî de zî Sedat Pekerî reyna pîsîtîyê dewleta tirke û çeteyanê aye êy verva Şar û Karsazanê Şarê Kurdî îfşaa kerdîy.
Pekerî vat; Kiştişê Savaş Bûldan, Ûgûr Mûmcû û karsazanê Kurdan ra Mehmet Agar û Korkût Eken verpersîyar ê.
Mehmet Agarî di ney derheqî de MGK de verkêşîyêke kerde û dime ra zî heme kiştîy.
Pekerî derheqê qaçaxçîtîya eroîn û kokaînî de zî Mehmet Agar û Lacê Bînalî Yildirimî nîşan day.
HEMSEROKA HDP PERVÎN BÛLDANE;
“SAVAŞ BULDAN Û EMBAZÊY EY HETÊ DEWLETE RA AMEY QETILKERDENE”
Badê eşkerayîyanê Serekçete Sedat Pekerî Hemseroka HDP Pervîn Bûldane hesabê xo yê medîyaya civatîye ser ra eşkerayîyêke da.
Buldane vat: Bi serran o ma na raştîye raya pêroyî rê qisey kenê.
Savaş Bûldan û Karsazêy Kurdîy hetê dewlete ra amey qetilkerdene.
Na raştîya ke bi serran o ma anê ziwan nika zî hetê merdimanê înan ra yena eşkerakerdene.
Ma do derheqê nêy qetilkerdişan de dorêka bîne serra ro mehkemeyan bidê.