Parlementerê Verênî yê Herema Kurdistanî Şêrko Heme Emînî êrîşê îşgalkerîye êy dewleta tirke û hemkarîya PDK şermezar kerdî û vat;
Ma vînenê ke verva Kudistanî de êrîşkarî û îşgalkerîyêke senîne est a.
Desthelatdarîya Vaşûrî tu rûmetêke xo rê nêverdayo.
Heke PDK de rûmet bibayêne se, gere verva îşgalkerîye bivindertêne û bi îşgalkeran reyde hemkarîye nêkerdêne.
Gere her kurdêke bizano ke hikumatê Vaşûrê nêşikeno axa Kurdistanî bipawo.
Pawitişê axa Kurdistanî mendo milê şarî de û gere şar na verpersîyarî û ney erkê xo bi ca bîyaro.
Verpersîyarê Têkikîyan yê Komeleya Şoreşgerî ya Zehmetkêşanê Îranî Ferzîn Kerbasî zî verng ro partîyanê Kurdan kerd ke verva êrîş û îşgalê dişmenî yewîtîya xo pêk bîyarê.
Ferzîn Kerbasî vat; Heme dişmenê ma nakokîyê maberê înan çi benê wa bibê gama ke mijare bena kurdîy, yenê pêhete.
Gere heme kurdîy zî bi heman awayî têbigeyrê.
Gere tu hêzêka krude nêbo hemkara îşgalkeran û xizmetê plananê qirkerdiş û îşgalî nêkero.
Parlamenteranê Îraqî ra Ehmed El Kînanî ke endamê Komîteya Heqanê Merdiman yê parlamento yo, êrîşê îşgalkerî û hemkarîya PDK şermazar kerde û nê y vatîy.
Dewleta tirke Vaşûrê Kurdistanî de sûcanê verva merdimayîye pêk ana.
Însanêy sivîlî û kampê koçberan zî yenê bombevarankerdene.
El Kînanî, bêvengîya hikumatê Îraqî zî rexne kerde û veng ro wezareta Karanê Teberî yê Îraqî kerd ke vernîyaznameyêka şermezarkerdişî bişirawê Konseya Ewleyî ya Netewê Yewbîyeyan.
Parlamentere Fatme El Musewîye zî êrîşê dewleta tirke şermezar kerdî û vat;
Dewleta tirke di axa Îraqî û Vaşûrê Kurdistanî de sûcanê verva merdimayîye pêk ana.
Hikumatêy Vaşûr û Îraqî bi bêvengîya xo şirîkê sûcanê verva merdimayîye êy dewleta tirke yê.
Zafê êrîşanê terorîstî êy dewleta tirke êy Vaşûrê Kurdistanî bi hemkarîya PDK pêk yenê.
