5’ê Hezîrane de, PDK hêzeke zafî bi çekanê giran sewqê herêma Metîna kerd.
Û waşt bi na hêze bikewê qadanê gerîllaya.
Fermandarîya Herêma Metîna ya HPG dabi zanayene ke, 2 milan ra êrîşê kamp û qadanê înan bîyê.
Di her milêke de 50 wesayîtê zirxîn ca girewtê.
Qewimyayîşî ra dima, hama vacê heme partî û têgêrayîşê Kurdistanî veng ro PDK kerd ke, wa hêzê xo apey biancê.
La PDK zey her dire, verapey naye têgeyray.
Di cayo ke hêzê xo apey biancê de, 7’ê Hezîrane hêzêke bîn ya zafî ver bi herêmanê bînan ey gerîllayan şirawit.
Na dore di hedefa înan de, qada maberê Qendîl û Xinêre bi.
Ame zanayene ke, PDK hêzêke dormeye qada Berdenazê ya girêdaye Hecî Umranî de bi ca kenê.
Na ca maberê herêmanê Xinêre û Qendîle de ya.
Vernîya na ca zî koya Helgurd est a.
