Şehîdanê azadîye Kurdistanî Ewrupa de yenê bi vîrardene.
Cangorîyê tekoşîna azadîya Kurdistanî Agir Stêrk, Rênas Axîn û Mam Beşîrî Swêd û Elmanya de amey bi vîrardene.
ŞEHÎDÊ AZADÎYE ÊY KURDISTANÎ YENÊ BIVÎRARDENE
MAM BEŞÎR, AGIR STÊRK Û RÊNAZ AXÎN STOCKHOLM Û CELLE DE AMEY BIVÎRARDENE
Bajaranê Ewrupa de şehîdanê dawa azadîye yenê bivîrardene.
Paytexta Swêd Stockholm de Mam Beşîr ke 14’ê Kanûne de şehîd bi û Agir Stêrk û Rênaz Axîn ke 17’ê Kanûna 2018’ine de şehîd bîy amey bi vîr ardene.
Merasima vîrardişê Komeleya Çand û Hunera Kurdî ya Stockholmî de bi tewirbîyîşê bi desan kurdistanijîy pêk ame.
Di merasime de sînevîzyoneke derheqê tekoşîna şehîdan ame nawitiş.
Dimara zî derheqê kesayeta şehîdan de qiseykerdişan ame kerdene.
Ame vatene ke, şehîdan ra Agir Stêrk Elmanya ra tewrê refanê azadîye bi û Swêd de zî xeylî xebatê ciwanan rayira berd.
Reyna soza bica ardişê xeyalanê şehîdan ame dayene.
Her hîrê şehîdan bajarê Celle ya Elmanya de zî bi merasimeke amey bi vîr ardene.
Di vernî de sînevîzyoneke derheqê şehîdan ame nawitş.
Dimara zî derheqê cuwîye û tekoşîna şehîd Agir Stêrk ame kerdene.
Ame vatene ke, şehîd Agir Stêrk Ewrupa de temenê xo ey şenkekî ra tewrê kar û xebatanê seba azadîya Kurdistanî bi.
