Endama Koordînasyona KJK Besê Erzîncane tekoşîna cînîyan û hedefanê serra 2021’ine sero Rojnameya Yenî Ozgur Polîtîka rê qisey kerd.
Besê Erzîncane vat;
“Di serra 2021’ine de hedefa ma, pawitiş û aververdişê destkewteyanê cînîyan a.”
ENDAMA KOORDÎNASÎYONA KJK BESÊ ERZÎNCAN
“MA DO TEKOŞÎNA XO YA AZADÎYE YA VERVA FAŞÎZMÊ DELETA TIRKE, BI QERARDARÎ BIDOMNÊ”
Endama Koordînasîyona KJK Besê Erzîncane, tekoşîna cînîyan û hedefa serra 2021’ine sero, Rojnameya Yenîozgur Polîtîka rê qisey kerd.
Besê Erzîncane vat;
Se-serra 21’ine di verkêşîya cînîye de, verva îşgal, qirkerdişê cînîye, şîddet û tecawizan, xoverdêrî û serrewedartişê civatî û merdimayîye ya. Na xoverdêrîye ro heme beşanê civatî tesîr kena û vûrnayişan pêk ana. Bi no sebeb zî pergale bi heme ray û raybazan, êrîşê cînîye kena û heme êrîşanê xo zî mubah vînena.
BI XOVERDÊRÎ VER BI SERRA 2021’INE
AKP DI MIJARA CÎNÎYE DE WAYIR FERASETÊ DAÎŞ’Î YA
Besê Erzîncane rewşa Tirkîya zî zê rewşa pêroyî ya dinya bi name kerde û wina dewam kerd.
Erdoganî, îqtîdarê Trûmpî û hemkaranê ey êy dişmenanê cînîye ra hêzêka pîle girewte û di heman wextî de hêze da zî. Gere di qetilkerdiş, tacîz û tecwizanê verva cînîyan de, rolê na pergala modernîteya Kapîtalîste, bêro dîyiş.
“AKP, di mijara cînîye de, wayir ferasetê DAÎŞ’î ya. Heke hemsengîyê tirkîya destûr bidê, do verva cînîyan qanûnanê DAÎŞ’î pêk bîyaro. La bi sebebê tekoşîna cînîyan, nêşikena naye bifîno merîyete. Cînîyê Kurdîy bi sebebê tekoşîna azadîye, bîyê hedefa îqtîdarê AKP-MHP. Çimkî cînîyê kurdîy, hêza esasî ya tekoşîna azadîye ya Şarê Kurdî yê. Sebebê êrîşêy hovan êy verva cînîyanê kurdan, no yo”.
ENDAMA KOORDÎNASÎYONA KJK BESÊ ERZÎNCAN
“HEDEFA MA YA 2021’INE PAWITIŞ Û AVERBERDIŞÊ DESTKEWTEYANÊ CÎNÎYAN A”
Besê Erzîncane derheqê hemleya KJK de zî nêy ardîy ziwan.
“Ma bi na hemleya xo pawitiş û avervistişê destkewteyan, kerd hedef. Di hemleya ma de, Xopawitiş esas o. Ma zanenê, êy ke pergala xopawitişî pêk nîyarê, nêşikenê estbîyişê xo bidomnê”.
ENDAMA KOORDÎNASÎYONA KJK BESÊ ERZÎNCAN
“MA DI VERKÊŞÎYA CÎNÎYANÊ ROCHELATÊ MÎYANÊNÎ Û DINYA DE, QERARDAR Ê”
Besê Erzîncane vatişê xo wina bi peynî kerdîy;
“Ma rolê Rayver Apoyî, yê di tekoşîna azadîye de dorêka bîne anê ziwan û vanê;Azadîya Rayver Apoyî, azadîya heme cînîyan a.
Ma bi paradîgmaya azadîye ya Rayver Apoyî û cerebnayişanê bi desan serran, kewenê serra 2021’ine. Di serra 2021’ine de,ma do na rewşe zafêrî aver bifînê. Ma di verkêşîya tekoşîna azadîye ya cînîyanê Rochelatê Mîyanênî û dinya de, qerardar ê. Ma do xebatanê xo yê pêkardişê Konfederalîzmê Demokratîkî yê cînîyanê Dinya, bi qerardarî bidomnê”.
