Endama Koordînasyona Komelê Cinîye Kurdistane Rewşen Mêrdîn tewrê Bernameya Taybet ya televîzyona ma bî.
Rewşen Mêrdîne tecrîdkerdişê Rayver Apoyî sero vindert û di pêkardişê tecrîdî de, îşaret bi bêhiquqîya Îmralîye de kerd û vat:
“Hikumeta AKP ya faşîste, bi her awayî şerrê tewir pîle verva Îmralîye keno.
Dewleta tirke, seba ke lewaz û bêçare bîyê serre ri no bêhiquqîye kenê.”
dîmenê serok û çalakîyen ewropa bidin
Endama Koordînasyona KJK, hemleya “wext wextê azadîye yo” bi vîrî vist û vat:
“Şarê ma lingan sero yê û helwestî estê.
La kêm manenê. Gere çalakîy bi çend cayan bisînor nêmanê.
Heke wariştişê lingna ser yo topyekun pêk bêro û helwestê bêro xurtkerdiş, do ma bieşke Rayverê xo bi awayoke fîzîkî azad bikerê.
Ma seba azadîya xo, estbîyîşê xo mecbûrê ke verê xo bidê Îmralîye û Rayver Apoyî. ”
Rewşen Mêrdîne tekoşîna cinîyan ya verva faşîzmê AKP-MHP sero zî qisey kerd û vat:
“Heke ma bieşke bi cinîya azade reyde civatê azade awan bikerê, do pergala dewletperest zî nêbieşko lingan sero bimano.
Bi no sebeb gere cenîy, heme qadê cuwîyeyî de xo birayvistin bikerê.
Mijarêko bîne ke Endama Koordînasyona KJK Rewşen Mêrdîne behs kerde, mijara Şengale bi.
Rewşen Mêrdîne peymana Şengale sero, zey projeyoke newîye ya qirkerdişê Êzidîyan bi name kerd û vat:
“Di cayoke pîlanê qilêrinîy, gere hikumeta Iraqe û PDK civatê ma yê Êzidî ra lêborîne biwazê. ”
Endama Koordînasyona KJK Rewşen Mêrdîne di peynî de cenîy û ciwanîy ke xoverderîya Şengale rê verkêşîye kenê, silam kerde.
