Serokê Partîya Çep ya Ewropa Heînz Bîerbaum, Hevserokanê Partiya Keskan ya Ewrûpa Evelyne Huytebroeck û Thomas Waitz ,
Seroka Tifaka Azadiyan ya Ewrûpa Lorena Lopez de Lacalle, Serokê Partiya Sosyalîstan ya Ewrûpa Sergey Stanshev,
parlementer François Alfonsî, Andreas Schîeder û Nîkololaj Vîllumsen derheqê doza bi name Kobanê ke 108 sîyasetmedarîy yenê mahkemekerdişî de eşkerayîyeke hembarre da.
Sîyasetmedarîy Ewropî bale ante xoverderîya tarîxî ya Kobanê ser û vat:
“Desthilatdarîya tirke bi awayoke sîstematîk zext ro HDP kenê û bi dozê sîyasîyan zî wazenê xoverdayîşê Kobanê krîmînalîze bikerê.”
Sîyasetmewanû Ewropî bi vîrî vist ke, wexto ke HDP seba paştîdayîşê xoverderîya Kobanê çalakîy rodarvistnê, desthilatdarîya tirke paştîye da çeteyanê DAÎŞ’î û wina dewam kerdîy;
“Rixmo ke HDP xeylê doran waşt wa qewimyayîşanê zey qewimyayîşê Kobanê bêrê cigêrayîşkerdene zî, AKP û Erdoganî bi xo nînan redd kerdîy. ”
Sîyasetmedaran eşkerayîye de vateyê ‘Çîyo ke Erdogan qehr keno qetilkerdişê hemwelatîyanê ma nê, Kobanê de binkewtişê DAÎŞî yo.’ yê Selahattîn Demîrtaşî zî bi vîrî vistîy.
Sîyasetmedaranê Ewropî veng ro heme kes ke nêşikenê 26’ê Nîsane de nêşikenê mahkeme taqîb bikerê, wa medyaya dîjîtale sero pê hashtaganê ‘#SolidarityWithHDP’ û ‘#DefendKobani’ paştîye bidê sîyasetmedaranêy ke giroteyî bikerê.
Temsîlkarîya HDP ya Ewropa zî seba doza 26’ê Nîsane, vengdanê paştîdayîşî û wayîrvecîyayîşî xoverderîya Kobanê kerd.
