Fermandarîya Qerargeha Navedî ya Hêzanê Pawitişê Şarî, derheqê êrîşê Garê û xoverdêrîya Gêrîllayan de eşkerayîyêke barre kerde.
Di eşkerayî de ame vatiş;
“Têkşîyişê Gare destpêka bi peynîbîyişê faşîzmê AKP-MHP yo.
Di şerrê Garê de tewir tay 37 eskerêy artêşa tirke amey kiştene.”
FERMANDARÎYA QERARGEHA NAVENDÎ YA PAWITIŞÊ ŞARÎ:
GARÊ DE 37 FERMANDAR Û ESKERÊY ARTÊŞA TIRKE AMEY KIŞTIŞ
Fermandarîya Qerargeha Navendî ya Hêzanê Pawitişê Şarî NPG, bîlançoya şerrê Garê bi raya pêroyî reyde barre kerde.
Eşkerayî wina ya .
Êrîşê îşgalkerîye êy dewleta tirke ya faşîste, 10’ê Sibate de dest pêkerd û badê 4 rocan 13’ê Sibate seetanê şanî de, bi peynî bi.
Di nêy êrîşî de hedefêy cîddîyê êy faşîzmê AKP-MHP, êy eskerî est bîy.
La xoverdêrîya tarîxî ya gêrîllayanê azadîye de têk şî.
Di nêy şerrê verva êrîşê dewleta îşgalkere de xeylê payeberzîy zî mîyan de tewir tay 37 eskerîy amey kiştiş û di desan zî dirbetin bîy.
Reyna di bin bombevaranê teyareyanê şerrî de, bi peroyî 15’gêrîllyaê azadîye zî şehîd kewtîy
Eşkerayîya NPG wina dewam kena
FERMANDARÎYA QERARGEHA NAVENDÎ YA PAWITIŞÊ ŞARÎ:
“TÊKŞÎYIŞÊ GARE DESTPÊKA BIPEYNÎBÎYIŞÊ FAŞÎZMÊ AKP-MHP YO”
Rejîmo faşîst yê dewleta tirke, di rewşêka zehmete de yo û waşt bi teknolojîyê tewir averkewteyî êy şerrî, tay serkewtinan bi dest bifîno.
Di êrîşê 4 rocan yê verva Garê, badê bombevaranêkê giranî waşt hereme de bi ca bibo.
Badê bicabîyişî zî qaşo esîranê destê ma bixelesno.
La mexsedê ney êrîşî xelesnayişê esîran nê, îmhakerdişê esîran bi.
No êrîşo ke bi aşman o ameyo plankerdiş bi xoverdêrîya gêrîllayanê azadîye ya di bin fermandarîya Şoreş Betuşebabî de, raştê xoverdêrîyêka pîle ame û derrbêka girane ro îşgalkeran amî dayene.
Bi terrz û teqtîkê gêrîllayanê ma, êrîşê îşgalkerîye ame pûçkerdiş û dişmen bi têkşîyişêkê tarîxî reyde ribiri mend.
Gêrîllayanê ma perrê ke de vernîye ro bicabîyişê dişmenî yê hereme de girewt û perrêke de zî eskerêy ke kampa esîran dorme kerdebî, îmha kerdîy.
Di nêy şerrê pawitişê esîran de 6 rayhevalê ma şehîd bîy û 12 esîran û giroteyêkê Vaşûrê Kurdistanî zî cuwîyeyê xo vînî kerd.
Dewleta tirke kampe de verêcoy xazo kîmyewî pêk ard û dime ra zî esîrîy gulevaran kerdîy.
Dorêka bîne ame dîyiş, seba ke raştîyan verapey bikero û prestîjê xo bixelesno, na dewleta faşîste şikena verva însananê xo zî raybazêy tewir wehşîyan bi kar bîyaro.
Dewleta tirke ya faşîste zê têkşîyişê Zape yê serra 2008’ine, Garê de bi têkşîyişêkê tarîxî reyde ribiri mendîy.
No têkşîyiş do bibo destpêka bipeynîbîyişê rejîmê faşîstî.
