Endamê Komîteya Rayirbere ya PKK yî Dûran Kalkanî di bernameyê taybetî yê Medya Heber TV de, Êrîşê vera Garê û xoverdêrîya Gêrîllayan û encaman sero qisey kerd.
“Mexsedê nêy êrîşî xelesnayişê esîran nê, têkberdişê kontrolê gêrîllayî yê hereme bi la têkşîyişêkê tarîxî reyde ribiri mendîy.”
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“TÊKŞÎYIŞÊ DEWLETA ÎŞGALKERE YÊ GARÊ TESADUF NÊBI”
Endamê Komîteya Rayirbere yê PKK yî Dûran Kalkan, tewrê bernameyê taybetî yê Tv Medya Habere bi.
Kalkan,bi awayêko verhîra, êrîşê verva Garê sero vindert.
Kalkanî, nameyê Komîteya Rayirbere ya PKK yî sero, Fermandarîya Qerargeha Navendî ya HPG, Frmandarîya Eyaleta Garê, Fermandarî û Hêza Şerrî ya YJA Stare û di şexsê înan de, heme lejwan û fermadarê HPG/YJA Stare silam kerdîy.
Dûran Kalkanî vat;
Serkewtinê Gare tesaduf nêbi û wina dewam kerd.
Her kes xo ra pers keno û vano; Gelo Gare de çi qewemîya?
Wina yeno eysayiş ke, do nika ra dime zî naye sero zaf bêro qiseykerdiş.
Di peynî de, do averkewtişêy ke herrekîyayişê tarîxî bivûrnê, vecîyê meydan.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“GARÊ DE ŞERRÊKO ESKERÎ YO TEWIR GIRAN Û TARÎXÎ QEWEMÎYA”
Dûran Kalkanî vat,
Garê de şerrêko eskerî yo tewir giran û tarîxî, qewemî ya.
Encamêy şerrî zî orte de yê.
Artêşa Tirke û faşîzmê AKP/MHP,di êrîşê xo yê Garê de, bi têkşîyişêkê pîlî yê tarîxî reyde ribiri mendîy û têk şîy.
Bi vatişêko bîn, Pencê Qertelî, nêbi papikê kerge zî.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“MEXSEDÊ ÊRIŞÊ GARÊ, CÊRA-AQETERNAYIŞÊ QERARGEHA NAVENDÎ YA HPG’YÎ BI”
Dûran Kalkanî derheqê mexsedê êrîşê verva Garê de zî nêy vatîy.
Mexsedê êrîşê verva Garê, bêtesîrkerdişê Qerargeha Navendî ya HPG bi.
Vanê; Operasîyonê Garê, seba xelesnayişê esîran bi.
Nêy hewldanê vûrnayişê rojdeme yê.
Xora di peynî de zî vecîya orte ke, çi ard serreyê esîran.
Yanê mexsedê înan o binkeyîn, bêtesîrkerdişê pergala kontrolî yê rayirberîya gêrîllayan bi.
Waştê dorêka bîne, şarê Kurdî bi Komployêka newîye ya 15’ê Sibate reyde, ribiri verdê.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“MIJDÎYANÎYA ERDOGANÎ RO EY ZÊ ROCA SÎYAYE AGÊRA”
Dûran Kalkanî vat;
Erdoganî, bi êrîşê Garê waştê mijdîyanîyêka pîle bido û na mîjdîyanîya xo zî zê roşanêke firaz bikero.
La mijdîyanîye û roşanê Erdoganî zê rocêka sîyaye, ro ey agêray .
Di peynî de seba ke ney têkşîyişî bitemerrno, eskerê esîrîy day vernî.
Yeno zanayiş, seba esîranêy ke ma Oremare de veradabîy vatbi ” Şima çira nêmerdî” û êy eştîy zîndan.
Bombeyêy ke ro hereme varnay, gulîy nê, seba qetilkerdişê êy esîran bîy û qetil kerdîy zî.
HPG bi serran ro înan wana û êy wey kerdîy.
La aye ka êy oca ra merde vetîy, artêşa tirke bixo bî.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“RAYIRA SIYASETÎ KURDISTANE RA DERBAS BENA”
Endamê Komîteya Rayirbere ya PKK yî vat;
Bi peygoşîkerdişê gêrîllayanê Azadîye Kurdistan de serkewtin pêkan nîyo.
Her hêza ke Rochelatê Mîyanênî û Kurdistane de şer bikero, neçara ke PKK yî, têgêrayişê Azadîye û Rayver Apoyî,ver çiman de bigero.
Na dorêka bîne vecîya orte.
Hêzêy destserdarîy zî, êy demokratîkîy zî gere naye baş bizanê.
Rayira sîyasetî Kurdistane, Koyanê Kurdistanî û şerrê gêrîllayî ra, derbas bena.
Çareserî zî Rayver Apo yo.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“WEXT WEXTÊ TÊKŞÎYIŞÊ ERDOGAN, BAHÇELÎ Û SOYLÛYÎ YO”
Endmê Komîteya Rayirbere yê PKK yî Dûran Kalkanî vat;
Dora têkşîyişî dora, Erdogan, Bahçelî û Soylûyî ya û wina dewam kerd.
Tayîp Erdogan, Bahçelî û Soylû verpersîyarê esasî, êy êrîş û têkşîyişê Gare yê û neçarêy ke hesab bidê.
Ke bi ser bikewtayêne se, do encamêy serkewtişî zî xo rê bikerdayêne, binkeya sîyasetî.
Garê de, gorê faşîzmê AKP/MHP, ame kendene.
