ÇETEYA FUHÛŞÊ YA LI COLEMÊRGÊ
MUSTAFA KARASÛ: DIVÊ KURD RABIN SERHILDANÊ
Di demên dawî de li dijî Kurdan bûyerên wisa zêde bûne.
Ev weke polîtîkayekê tê pêkanîn.
Di şexsê jinê de dixwazin îradeya civaka Kurd bişkînin.
Talîmata vê yekê jî yekser Suleyman Soylu dide.
Ji bo qira gelê Kurd bînin, her cûre rê û rêbazê bi kar tînin.
Ji ber ku kesên van tiştan dikin nayên cezakirin û tên teşwîqkirin.
Ji ber vê yekê pêşxistina fuhûşê li Kurdistanê, êrişeke li dijî gelê Kurd e.
Xweperestiyê bi pêş dixin û civaka Kurd belav dikin.
Berê dema li dijî jinekê destdirêjiyek an jî destavêtinek çêbûye, Kurdan îsyan dikir.
Tê zanîn, ku serhildana Dersimê ji ber vê yekê dest pê kiriye.
Berê esker an jî polîsekî tenê destdirêjî li jinekê bikirana, li wir îsyan çêdibû û gel bi ser qereqolan de digirt.
Bi dehan mînakên wiha hene, ku gel li Kurdistanê avêtiye ser qereqolan.
Ji ber vê yekê divê li dijî vê bûyerê jî Kurd hêrsa xwe nîşan bidin.
Divê civaka Kurd li hemberî van bûyeran dakeve qadan, rabe serhildanê.
Ev êrişeke li dijî têkoşîna azadiyê ya gelê Kurd û hebûna wî ye.
Avakirina çeteyeke fuhûşê xwedî armanca şikandina îradeya gelê Kurd e.
