Endamê Komîteya Rayirbere ya PKK’yî Mûrat Karayilanî, di Bernameyê Taybetî yê Stêrk Tv de, nêy vatîy.
Di pêvajoya ke ma tedeyê, seba tekoşîna Şarê Kurdî pêvajoyêka zaf muhîm a.
Verva têkoşîna azadîye ya şarê Kurdî, planê zaf qilêrinî êy dişmenanê ma est ê.
Hedefa ney konseptî,tenê Vakûrê Kurdistanî de nê, heme perçeyan de çinêkerdişê destkewteyanê Şarê Kurdî yo.
Di na çarçova de 6 serrêy peyênan de, verva ma şerrêko zaf verhîra dayo destpêkerdene.
Îmralî de bi tecrîd verva Apoyî, zîndanan de bi zilm û îşkenceyî verva giroteyan, bi binçimkerdiş û girotişan verva şar û Sîyasetî, konseptêko xorî û verhîra, di merîyete de yo.
Reyna Vakûrê Kurdistanî de,Xerzan ra heta Botan têgêrayişê eskerî dewam kenê.
Vaşûrê Kurdistanî de wazenê tay hereman de bi awayêko mende, xo bi ca bikerê.
Badê Heftanîn û Xakûrkê, verva Metîna, Zap û Avaşîne, êrîşêko pîl da destpêkerdene.
46 rocîy o, hereme de şerrêko giran qewemîyeno.
Dewleta tirke bi heme teknîk û hêza xo ya hewayî şerr kena la verva xoverdêrîya gêrîllayanê azadîye, bi ser nêkewena.
MÛRAT KARAYILAN:
“MA BI TU AWAYÎ ÊRÎŞÊ PÊŞMERGEYAN NÊKERDO Û NÊKENÊ”
Karayilanî vatiş ard qewemîyayişê 5’ê Hezîrane ser û nêy ardîy ziwan.
Di nêy qewemîyayişî de, bi tu awayî dexlê ma çîn yo.
Na îddîa, îddîayêka bêbinke û bêmantiq a.
Ma bi artêşa tirke ya îşgalkere reyde şerr kenê.
Di wextêko winayin de, çira ma do çepheyêko bîn yê şerrî abikerê.
Na zî planêka dişmenî û hemkaranê ey a.
Wazenê hêzanê kurdan bîyarê têduşt û şerrêkê xomîyanê yê kurdan vecê.
Di orteyî de kayêka qilêrine ya pîle, est a.
Bi no sebeb ma veng da û vat, gere ney qewemîyayişî sero bêro vindertiş.
MÛRAT KARAYILAN:
“25 SERRÎY O MA ÎTÎYA YÊ Û PÊŞMERGEY NA HETA NÎYAMEYÊ”
A hereme 25 serrîy o hermêka eskerîya û 25 serrîy o pêşmerge ver bi a hereme nîyame yo.
Şikayêne verîya ke bêrê, ma agahdar bikerê.
Di rewşêka winayine de, şima senî bê xebere û bi 100’î zêdêrî wesayîtanê şerrî, yenê herme.
Vanê, “ma na axe de serwer ê, kingê ma waşt ma şikenê şêrê heme cayî”.
Îhtîrazê ma serwerîya şima rê çîn yo û ma serwerîya şima rê zî rêzdar ê, la 5 km heremêka şima ameyê ra weta, şerêko giran est o.
Di rewşêka winayine de bêxebere ameyişê şima, bi guman o.
Ameyişê şima yê bi ney awayî, hetkarîya dişmenî ya.
