Endamê Komîteya Rayirbere ya PKK yî Mûrat Karayilanî qiseykerdişê xo wina domna.
Mexsedê dewleta tirke yo tewir pîl, maberê hêzanê kurdan de vetişê şerrêkê xomîyanî yo.
Ma zanenê ke Wezîrê Pawitişî yê dewleta îşgalkere Hûlûsî Akarî, PDK ra waşto ke pêşmergey zî tewrê şerrê verva PKK’yî, bibê.
Reyna ez wazena raya pêroyî bizano;
Na ra çend aşmîy raver, Erdoganî ma rê xeberêke şirawite û ma ra vat;
Vakûrê Kurdistanî de adirbest îlan bikerê, perçeyanê bînan de şima se kenê bikerê, ma eleqe nêkenê.
No yano çi mehne.
Yanê ma ra vanê; Nakokîyê şima û PDK est ê, şêrê bi PDK reyede şerr bikerê.
Ma zana ke na kaya û nika heman kaye, PDK sero bi kar anê.
Gere PDK naye baş bizano.
Dişmenanê ma tim bi na raybazêy winayinan,kurdîy bi yewbînîy dayê şerrkerdene.
Tarix bi nêy nimûneyan pirr o.
Badê komploya mîyanetewî û esîrgirewtişê Serokatî vat;”PKK qedîya û Vakûr zê xeta sûre nîşan da û heme têkilîyê xo birrnay”.
Bado ke şerrê Zapî yê 2008’ine de têk şîy, xeta sûre ya verva Vaşûrî bi peynî kerde.
Serranê 90’î de verva ma Hîzbûllah vist dewreye la bado ke Serokatîye êsîr kewt, serekê Hîzbûllahî Stembole da da kiştiş.
Wazena ewro zî nêy raybazan bi kar bîyarê û estbîyişê xo yê hereme mende bikerê.
Gere heme şarê ma û heme hêzîy naye baş bizanê.
END. KOM.RAYIRBERE YA PKK’YÎ MÛRAT KARAYILAN
“MA ŞERRÊ VERVA DIŞMENÎ RA NÊ ŞERRÊKÊ XO MÎYANÎ RA TERSENÊ”
Karayilanî wina dewam kerd.
Ma bi tu awayî şerrî ra nêtersenê û şarê ma û dişmenîy zî naye, baş zanenê.
Ma tenê şerrê xomîyanî, ke do zirarêko pîl bido doza Kurde ra tersenê û bi tu awayî şerrêkê maberê kurdan, raşt nêvînenê.
Nika hereme de şerrêko giran est o, na rewşe de ma ra dûrî bivinderê.
Dişmen di rewşêka xirabe de yo, hetkarîya dişmenî mekerê.
Ma soz danê, ma do dişmenî têk berê.
END. KOM.RAYIRBERE YA PKK’YÎ MÛRAT KARAYILAN:
“HEKE PKK BÊRO TASFÎYEKERDIŞ DO DORE BÊRO ŞIMA HEMINAN”
Karayilanî veng ro PDK, YNK, Goran, Komala, Zhemetkêşan, Şîu, reyna roşinvîr, hunermend û heme sazîyanê sivîlan kerd û nêy vatîy.
Verva na rewşe, xesasî bê.
Belkî şima nêşikenê şêrê tay hereman, la rayira Metîna akerdîye ya.
Kerem bikerê bêrê û bivînê, kam heqdar û kam niheq o.
PKK’yî êrîşê tu kesî nêkerdo û nêkeno.
Kurdistan, ma perçe nêkerd û dîyalektîkêkê Kurdistanî est o.
Ma tu wextêke serwerîya hikumatê Vaşûrî red nêkerde la nika hereme de şerrêko giran qewemîyeno.
Gere herkes di na mijare de wayir wijdanî bo û bi o gore têbigeyro.
Heke PKK bêro tasfîyekerdiş, do dime ra YNK û dime ra zî bikewê ra pey şima.
Ger tu kes xo nêxapêno.
Hema wext est o û şima şikenê vernîye ro şerrêkê xomîyanî, bigerê.
Gere herkes seba vindarnayişê şerrêkê winayinî, bikewo mîyanê têgêrayişî.
