Dewleta tirk ke dişmena sondwendî ya şarê Kurdî ya Pergala Îmralî bi awayêko giran domnena.
Di mîyanê çerx û sazîyanê dewlete de ke mijare bena Rayver Apo û şaro Kurd, na dişmentîye zafêrî vecîyena asta hove.
Tifaqo faşîst yê AKP-MHP şerrê verva Şarê Kurdî koordîne keno û kamco fermanî bido mehkemay bi goreyê ey fremanî qerar danê.
Îmralî de ke tu hukmêkê hiqûq û qanûnî çîn yo, Mehkemeya Destûra Binkeyîne ro pergala Îşkenceyî ya Îmralîyî wayir vecîya.
Pawitoxanê Buroya Hiqûqî ya Seserre di Kanûna 2020’ine de seba muwekîlê xo Omer Hayrî Konarî ke Îmralî de maneno serre ro Dadgerîya Înfazî û dadgerîya Cezaya Girane ya Bûrsa da.
Pawitoxan waşt qerar dîsîplînî yo ro ser muwekîlê înan bêro wedartene.
Di serre de Dadgerîya Înfazî û dime ra zî Dadgeya Cezaya Girane ya Bûrsa waşteka pawitoxan red kerde.
Pawitoxan seba muwekîlanê xo Veysî Aktaş û Hamîlî Yildirimî zî di Citmenge de bi heman mexsedî heman serreperodayiş kerd.
Di serreperodayişî de ame waştiş keyeyê giroteyan bişikê şêrê zîyareta înan.
Nêy serreperodayişî zî amey redkerdene.
Pawitoxan seba ke seba ke qerarêy verva muwekîlanê înan Konar, Aktaş û Yildirimî teber hiqûqî yê serre ro Mehkemaya Destûra Binkeyîne da.
Mehkemaya Destûra Binkeyîne di 13’ê Nîsane derheqê serreperodayişan de qerar da.
Di qerarê mehkema de serreperodayiş ame red-kerdene.
Dadgehe di qerarê xo de îdîa kerd ke tu niheqîyêke çîn ya.
Bi ney qerarî dorêka bîne teqez bi ke Mehkemaya Destûra Binkeyîne zî bîya maşika domnayişê Pergala Îşkenceyî û Tecrîdê Îmralî.
