Dewleta tirke 40 serrîy o, verva Şarê Kurdî, şerrêko giran dana ramitiş.
Di na pêvajoya 40 serran de, dewleta tirke sûcanê şerrî reyde,xeylê sûcêy verva merdimayîye zî pêk ardîy.
Reyna çekê kîmyewî ke di qada mîyanetewî de qedexeyê, ko û bajaranê Kurdistanî de amey şuxulnayene.
Nimûneyo tewir peyên yê naya Garê bî.
Akademîsyenê Fakulteya Hiqûqî yê Znîngeha Hambûrgî Prof, Norman Paechî derheqê mijare de rojnameya Yenî Ozgur Polîtîka rê qisey kerd.
Norman Paechî bale ante peymananê Cenewe û Laheyî ser û nê vatîy:
”Dîwana Edaletî ya Mîyanneteweyî, serra 2004’ine de şuxilnayîşê çekêy kîmyewîyan qedexe kerd.
La heman wextî de eşkera kerd ke êy nêeşkenê derheqê xebitnayîşê nêy çekan de hukim bidê.
Coka dewletan çekanê kîmyewî û nukleeran ra fek vera nêda.
Gere nêy sûcîy di mehkemaya Ceza ya Mîyanetewî de bêrê mehkemakerdene.
Dewleta tirke xeylê doran bi êrîşê axa Îraqî, serwerîya Îraqî binling kerde.
No sûcê şerrî yo.
Reyna dewleta tirke xeylê doran verva PKK yî çekê kîmyewî bikar ardîy.
Gere na zî di hetê heman mehkema ra bêro şopnayene.
Norman Paechî vat;
Dewleta tirke di serrêy peyênan de xeylê sûcêy verva merdimayîye pêk ardê.
La seba ke endama NATO ya nîna mehkemekerdene.
Êrîşê verva Garê, Qendîl Rojava û Vaşûrî, heme sûc ê.
Gere dewleta tirke bi sebebê nêy sûcan Dîwana Edaletî ya Laheye de bêro mehkemekerdiş.
La bi sebebê menfîetanê aborîyan na nîna kerdiş.
Tekane rayire di mehkemaya Ceza ya Mîyanetewî de mehkemekerdişê tirkîya yo.
