Ji bo hilbijartinên pêşwext ên Parlamenta Iraqê, li seranserê Iraqê û Başûrê Kurdistanê hilbijêr li ser sindoqan e.
Dengdana ji bo hilbijartinên giştî yên Iraqê, li gorî dema herêmê saet di 07:00 de dest pê kir û wê heta saet 18:00 dewam bike.
Li gorî Komîsyona Bilind a Hilbijartinê ya Serbixwe ya Iraqê 23 milyon û 986 hezar û 841 kes hilbijêrin û ji wan milyonek û 196 hezar dengdêrên taybet in ku 8’ê Comtehê de çûn ser sindoqan.
Di dema dengdanê de 343 hezar karmend li ser kar in û karê hilbijartinê didin meşandin.
Dengdan li 8 hezar û 283 navendan tê kirin. Li gorî sîstema nû ya hilbijartinê ya Iraqê, Iraq li 83 herêman hatiye parvekirin. Ji bo 329 kursiyên parlamentê 3 hezar û 249 namzet ketine pêşbaziyê ku ji wan 951 jin in.
Nûnera Taybet a Sekretê Neteweyên Yekbûyî (NY) ya Iraqê Jenin Plasschaert eşkere kirîbû ku wê 900 kesên biyanî çavdêriya hilbijartina parlamentoya Iraqê bikin.
Ji sala 2005’an ve ango piştî hilweşîna rejîma Baas ve 4 hilbijartin pêk hatine. Di sala 2005, 2010, 2014 û 2018’an de pêk hatine.
