LI BAKUR Û ROJHILATÊ SÛRÎ EFÛ YA GIŞTÎ
DI GAVA PÊŞÎ DE 631 GIRTÎ HATIN BERDAN
Bi biryara Meclisa Sûriya Demokratîk, li herêma Bakur û Rojhilatê Sûrî Efû ya Giştî hat ragihandin..
Weka gava pêşî ya biryarê, 631 girtiyên ketin ber efûyê hatin berdan..
Meclisa Sûriyê Demokratîk têklildarî biryara efû ya civîneke çapemeniyê lidar xist.
Hevseroka MSD’ê Emîne Omer di civînê de anî ziman ku biyrara wan li ser daxwaza gel hatiye dayîn û wiha got:
Îro wê 631 girtiyên bi tewana terorê girît bûn û dema dadgehkirina wan derbas bûye, wê werin berdan.
253 girtiyên din jî wê ji efûyê sûd werbigirin û wê cezayê wan ji sedî 50 were rakirin.
Piştî daxuyaniyê 631 girtiyên ku ketin ber efû yê ji zindanê hatin derxistin û malbatên wan ew pêşwazî kirin..
Endamê Eşîr û Rûsipiyên Herêma Bakur û Rojhilatê Sûrî Ebid Fayzîz Bedîrxan diyar kir ku di rojên pêş de dibe ku hejmara kesên werin berdan zêdetir bibe û ev peyam da:
Birayara hatiye dayîn wê ji bo hemû kesên girtî bibe fersenda vegera li rastiya xwe. Em ji wan re dibêjin himbêza me ji we vekirî ye. Li kiriên xwe ên berê poşman bibin û mîna welatiyekî ji rêzê cihê xwe di nava civakê de bigrin
