Koordînasyona KJK vizêr bi wesîleya 8’ê Edare Roca Cinîyan ya Dinya de eşkerayîyeke barre kerdbi.
KJK dîyar kerd ke, bi verkêşîya cinîyan,. di seserra 21’ine de tekoşîna azadî, demokrasî û ekolojî do ser bikewo.
KJK veng ro heme cinîyan kerd ke, bi awayoke xurt tewrê çalakîyanê 8 ‘ê Adare bibê û tekoşîna berz bikerê.
KOORDÎNASYONA KJK:
“ÊY KE BI SER BIKEWÊ, DO MA CINÎY BIXO BÊ”
Koordînasyona KJK bi wesîleya 8’ê Edare Roca Cinîyan ya Dinya eşkerayîyeke barre kerd.
KJK dîyar kerd ke, çarîka yewin ya seserra 21’ine ver bi peynîye şona, pergala serdest zî wazeno seserreke bîne cinîyan rê sîya bikero.
KJK vat:
Verva nêy mexsedê qilêrinî, xoverderî û îsyanê cinîyan zê laserêke pîle benê.
Tekoşîna azadîya cinîyan resaya asta ke, kes nêşikeno aye asteng bikero.
Heme cinîyê dinya bi rihekê azadî, 8’ê Adara emserrî verwazî kenê.
Serdemêka newîye dest pê kena. Na, serdema cinîyan a.
KJK di eşkerayîya xo de bi vîrî vist ke, serra 2020’ine seba cinîye kurd bi xoverdayîşî vîyart û vat:
Serra 2020’ine seba cinîyanê Kurdan, reyna bî serreka bi xoverdêrîye.
Di sere de Heftanîn, heme qadanê cuwîyeyî de cinîyan tekoşîne da.
Di nêy oxirî de, berdêlîy zî ameye dayene.
KOORDÎNASYONA KJK:
“RAYVER APOYÎ VERKÊŞÎYA AZADÎYA CINÎYAN KERDE”
KJK di eşkerayîye de bale ant tecrîdê giran ya Îmralîye ser û wina vat:
Rayvertîya ma Îmralî de xoverdêrîyêka bêhempa dano.
Cinîy, şar û civat deyndarê Rayver Apoyî yê.
Ma doreka bîne dîyar kenê ke: Azadîya Rayverê ma, azadîya cinîyan a.
Nêy esasan sero, do heme xebat û tekoşîna ma, seba azadîya Rayverê ma ba.
Ma do tecrîdî bişiknê û bi tekoşîna xo Rayver Apoyî, azad bikerê.
KJK bi vîrî vist ke, emser serranserê dinya de seba azadîya Rayver Apo kampanyayan vecîyay meydan û vat:
Heme parzemînan de, waşteka azadîya Rayver Apoyî est a.
No di tarîxê Kurdistanî de dora yewine pêk yeno.
Şaro Kurd û cinîy, êdî tenê nîyê.
Ma çende bi hêza xo ya cewherî tekoşîn bikerê, do enîya demokratîke zî ende pîle bibo.
KOORDÎNASYONA KJK:
“GERE HEMLEYA AZADÎYE Û ÇALAKÎYÊ 8’Ê ADARE BIBÊ YEW”
KJK îşaret bi serkewtişê gerîllayanê YJA-Star û HPG ya Garê de kerd û wina vat.
Xoverderîya gerîlayanê Kurdistanî, hêze dana tekoşîna azadîye.
Ma serkewtişê Garê, doreka bîne pîroz kenê.
Do di encamê nêy xoverdayîş û serkewtişî de, AKP-MHP têk şêrê.
KJK di eşkerayîya xo de bi awayoke verhîra behsê Hemleya “Wext wextê azadîye yo”, Şoreşa Rojava, tekoşîna cinîye Kurd ya Kurdistanî û teberayî welatî zî kerd û îşaret bi xurtkerdişê tekoşîne kerd.
Hemleya ma ya seba azadîya Rayvertîye, hemleyêka tarîxî ya.
Gere na hemleye û çalakîyê 8’ê Adare, bibê yew.
Do îqtîdarê AKP-MHP yo faşîst, teqez bi tekoşîna cinîy û ciwanan, bêro rijnayîş.
