Çalakîye fîrazkerdişê 8’ê Adare Roca Cinyan ya Dinya dest pê kerdîy.
Vakûre Kurdistanî û Tirkîya de cinîy ameye têhet û aktîvîteye rodarvistîy.
8’Ê ADARE ROCA CINÎYÊ KEDKARAN YA DINYA
CIZÎRE DE DÎWANÊ DENGBÊJÎYE AME RODARVISTIŞ
Cinîye qezaya Cizîr ya Şirnexe bi wesîleya 8’ê Edare ameye têhet.
Cinîyanê Cizîra Botanî dîwana bengbêjîye viraşt.
Aktîvîsta TJA Emîne Înan verîya bernameye, qisey kerd û 8’ê Edare heme cinîyan rê pîroz kerd.
Dimera zî cinîyan ke awanîya HDP ya qezaye de kom bîy, têreyde bernameya xo rodarvist.
Û deyran vatîy:
8’Ê ADARE ROCA CINÎYÊ KEDKARAN YA DINYA
CINÎYANÊ MÊRDÎNE KURNEFÎLÎY VILA KERDÎY
Mêrdîne de zî cinîyan ameye têhet.
Cinîyan seba heme cinîy ke ameye qetilkerdiş û êy ke zindanan de yê, kurnefîle mîyan awe de vila kerdîy.
Di çalakîye de parlamentera HDP Ebru Gunaye qisey kerd û vat, ma ney kurnefîlan seba azadî û aştîye vila kenê.
Qiseykerdişî ra dima, cinîyan kurnefîlanê xo vila kerdîy.
Dime ra zî cinîyan deyrî vatîy:
Qezaya Ceyhan ya Adana de cinîyan bi şahîyeke 8’ê Adare pîroz kerdîy.
Şahî bi verkûşîya Meclîsa Cinîyan ya HDP û TJA ra amî organîzekerdene.
Xeylî cinîy tewrê şahîye bîy.
Parlementer Tulay Hatîmogullari û hemseroka HDPê ya Ceyhanê Delel Mamûk verîya şahîye, qisey kerdîy.
Di qiseykerdişan de ame dîyarkerdene ke, cinîy her qade de berdêl danê.
Û êy do verva nêy zilmî tekoşîn bikerê.
Ame vatene ke, êy do tekoşîna xo her qade de bidomnê.
Qiseykerdişan ra dima şahî bi deyranê koma Şehîd Azad û gêrayîşî govende dewam kerd.
Reyna Stembole de zî startê çalakîyanê 8’ê Edare ame dayene.
