Kongreya Civata Demokratîke ya Kurdistanijanê Ewropa derheqê êrîşê îşgalkerîye ey dewleta tirke yê verva Vaşûrê Kurdistanî eşkerayîyeke barre kerd.
KCDK-Ewropa ard ziwan ke:
Kampa Mexmûre binê ewleyîya Netewanê Yewbîyaye de ya.
La tewrê naye zî dewleta tirke verva çimê înan, Hikumeta Navendî ya Iraqe û PDK kampe bombevaran kenê.
Dewleta tirke 28 serrî yê bi destûra NATO û PDK êrîşê Kurdan kenê.
KCD-Ewropa vengdanê seferberîye ro şarê Kurd kerd û vat:
Şaro Kurd yê 4 beşanê dinya:
Wayir ro axe û rûmetê xo bivecîye û bêveng memanê.
Artêşa tirke, ke di êrişanê xo yê îşgalkerîye de têk şîya, dest bi komkiştişê sîvîlan kerd.
Axa ke PDK rotê înan de, baregehan virazenê û mal û milke şarî desteser kenê.
Axe yena mehneyê welat, rûmet û kamîya ma.
Seba wayirvecîyayişê ro axe û rûmetê xo, tekoşîne berz bikerê.
Pawoka rizgarkerêke mebê û seferber bibê.
Şarê Mexmûre vano, êy do ti wext zilmê dewleta tirke qabul nêkerê û heta peynî tekoşîna xo bidomnê.
Gere ma zî tewrê ney vengdanê seferberîye, bibê.
KCDK-Ewropa di eşkerayîya xo de veng ro dewletanê rojavayî zî kerd ke, wa diritîye ra fek verabidê û qanunanê mîyannetewî bîyarê ca.