Eşkerayîya Hemserokatîya Konseya Rayirbere ya KCK ye wina ya.
Di wexto ke, gêrîlla verva îşgalkerîya dewleta tirke şerêko giran dano de, PDK verva heremanê gêrîllayan, êrîş dayo destpêkerdene.
Seba naye, maberê hêzanê Taybetan êy PDK û gêrîllayan de, şerr qewemîyayo.
PDK bi na helwesta xo, bi awayêko eşkera, di kişta dewleta tirke de ca girewto û wazena dewleta tirke têkşîyişî ra bixelesno.
Mehneyê şirawitişê hêzan û dormekerdişê gêrîllayî, yê PDK, no yo.
Eşkerayî wina dewam kena.
Di rewşa nikayine de, dewleta tirke û PDK, wayir heman mexsedî yê.
No zî yeno mehneyê şirîkatîya, di şerrî de.
PDK wazena gêrîllayanêy ke 40 serrîy o verva dewleta tirke şer kenê, bêtesîr bikero.
Bi na helwesta xo, tu ferqêkê îşgalkerîya dewleta tirke û hêzanê PDK çîn yo û tenê rolê înan cîya yê.
Dewleta tirke rolê çakûçî û PDK zî yê orsî, kaye kenê.
Dormekerdişê qadanê gêrîllayî, yeno mehneyê şerrê verva PKK yî.
Na ra ver zî verpersîyaranê PDK ra Fazil Mîranî vatbi; “Beno ke bi PKK yî reyde şerrêke biqewemîyo”.
Yeno dîyiş ke êrîşê PDK yo peyên seba hedrekerdişê ney şerrî yo.
Ma bi awayêko zelal eşkera kenê ke, do şerrêkê winayinî û vîndîbîyişan ra raşteraşt, PDK verpersîyare bo.
Di rewşêka winayine de hetkarîya dewleta tirke bi vatişêko tewir şenik xeflet o.
Hemserokatîye veng ro şarê Vaşûrî, hêzanê sîyasîyan, parlamento, roşinvîr, hunermend û sazî û dezgeyê sivîlan kerd ke, verva îşgalkerîya dewleta tirke wayir helweste bê.
Verapeyê naye xizmetê polîtîkayanê îşgalî êy dewleta tirke yo.
